Spanja ………….5
Żambja …………0
Jenni Hermoso u Alba Redondo skorjaw doppjetta kull wieħed hekk kif Spanja aċċertaw mill-kwalifikazzjoni għall-Aħħar 16 ta’ dan it-tournament meta għelbu lil Żambja bl-iskor ta’ 5-0.
L-Ispanjoli fetħu l-kampanja tagħhom ta’ Grupp Ċ b’rebħa komda ta’ 3-0 kontra l-Costa Rica l-ġimgħa li għaddiet, li kellhom total ta’ 46 xutt fil-lasta.
Huma komplew minn fejn ħallew fl-ewwel logħba hekk kif wara disa’ minuti fetħu l-iskor permezz ta’ xutt mid-distanza ta’ Teresa Abelleira saq b’xutt mill-isbaħ mill-bogħod.
Hermoso, fil-100 dehra tagħha mat-team nazzjonali, irdoppjat erba’ minuti biss wara permezz ta’ daqqa ta’ ras.
Fid-69 minuta, Redondo kabbret l-iskor meta daret mal-goalkeeper avversarja qabel xeħtet fix-xibka.
Minuta biss wara, Hermoso rreġistrat il-50 goal tagħha personali biex fil-85 minuta, Redondo rreċiprokat billi ssiġillat ir-rebħa wara li Hermoso kellha tentattiv imċaħħad mill-mimduda biex ma rnexxilhiex tirreġistra hat-trick.
