Turist Taljan huwa fost il-vittmi ta’ dak li qed ikun suspettat attakk b’karozza viċin bajja f’Tel Aviv. Skont rapporti jidher li hemm seba’ oħra li ndarbu f’dan l-inċident.
Il-Ministru għall-Affarijiet Barranin Taljan qal li l-mediċi identifikaw lill-vittma bħala ċittadin Taljan bl-isem ta’ Alessandro Parini ta’ 36 sena. Skont l-ewwel investigazzjonijiet jidher li fost dawk midrubin hemm Taljan ieħor u tliet Ingliżi.
Filmati li xxandru fuq il-midja juru karozza maqluba u uffiċjal tal-Pulizija Iżraelit jispara xi tiri fl-istess direzzjoni. Skont informazzjoni maħruġa mill-awtoritajiet jidher li l-allegat aggressur nqatel mill-istess uffiċjali b’tiri ta’ arma tan-nar.
Dan l-attakk seħħ biss ftit sigħat wara li żewġ aħwa Ingliżi b’dixxendenza Iżraelita nqatlu u ommhom ndarbet fi sparatura fix-Xatt tal-Punent.
Il-Pulizija aktar tard qalet li kien għall-ħabta tad-9:25 p.m (ħin lokali) meta persuna saqet għal fuq persuni, laqtithom u sussegwentament spiċċat maqluba fuq il-ġenb.
Il-professjonisti tas-saħħa qalu li minbarra l-allegat aggressur kien hemm tmien persuni oħra li mietu f’dan il-każ.
