Mara sofriet ġrieħi wara li aktar kmieni għall-ħabta tas-12:45 p.m kienet involuta f’inċident fi Triq in-Nigret, il-Qala.
Mill-ewwel investigazzjonijiet irriżulta li żagħżugħa ta’ 25 sena residenti l-Qala kienet qiegħda issuq quadbike tal-għamla Kymco Mxu, tilfet il-kontroll u nqalbet.
Hi ngħatat l-għajnuna minn tim mediku, ittieħdet l-isptar Ġenerali t’Għawdex b’ambulanza u aktar tard ġiet ċertifikata bi ġrieħi gravi.
L-investigazzjonijiet tal-Pulizija għadhom għaddejjin.
