Mara ta’ 42 sena residenti l-Imqabba sofriet ġrieħi ta’ natura gravi wara li ħabtet f’arblu u f’ħajt fl-Imqabba.
L-inċident seħħ għall-ħabta tad-9.10 a.m. fi Triq Ħal Farruġ.
Il-mara ngħatat l-ewwel għajnuna minn tim mediku u wara ttieħdet b’ambulanza l-Isptar Mater Dei fejn aktar tard kienet iċċertifikata li kienet qed issofri minn ġrieħi ta’ natura gravi.
L-investigazzjonijiet tal-Pulizija dwar dan l-inċident għadhom għaddejjin.
