Borussia Dortmund ….. 1
Chelsea ……………………0
Borussia Dortmund ospitaw lil Chelsea u kisbu rebħa importanti bl-iskor minimu ta’ 1-0 biex komplew jixħtu l-pressjoni fuq il-Pensionsers kif ukoll fuq il-coach Graham Potter li mistenni jitlef postu fil-jiem li ġejjin.
F’nofs l-ewwel taqsima, Chelsea ħasbu li skorjaw meta minn azzjoni ta’ free-kick, Thiago Silva ta l-illużjoni li skorja bir-ras, iżda huwa ġie ammonit minħabba li pprova jqarraq meta uża idu minflok rasu.
Erba’ minuti minn tmiem l-ewwel taqsima, Chelsea kienu sfortunati li ma fetħux l-iskor meta t-tentattiv ta’ Joao Felix ħabat mal-mimduda.
Madankollu kienu Borussia li marru fil-vantaġġ, fit-63 minuta, minn Karim Adeyemi wara ġirja ta’ 70 metru.
