Hekk kif ilbieraħ ġiet fi tmiemha l-ħames ġurnata tal-fażi tal-gruppi tal-UEFA Champions League, Inter, Porto u Liverpool, kisbu l-passaġġ għar-round tal-aħħar 16 ta’ din l-aktar kompetizzjoni importanti fuq bażi ta’ clubs fl-Ewropa.
Grupp A
Napoli v Rangers
Napoli gewwa darhom fi Stadio Armando Maradona kisbu rebħa ta’ 3-0 kontra Rangers, bl-awturi tal-goals għalihom ikunu Giovanni Simeone (11, 16) u Leo Skiri Ostigard (80).
Ajax v Liverpool
Liverpool barra minn darhom għelbu lil Ajax bl-iskor ta’ 3-0, bl-iskorers għalihom ikunu Mohamed Salah (42), Darwin Nunez (49) u Harvey Elliott (52).
Grupp B
Club Brugge v Porto
Porto barra minn darhom għelbu lil Club Brugge bl-iskor kbir ta’ 4-0 bl-iskorers għalihom ikunu Mehdi Taremi (33, 70), Evanilson (57), u Stephen Eustaquio (60).
Atletico M. v Bayer L.
Atletico Madrid u Bayer Leverkusen temmew il-konfront ta’ bejnitehom fi draw ta’ 2-2, bl-awturi tal-goals għall-Ġermaniżi jkunu Moussa Diaby (9) u Callum Hudson-Odoi (29). Dan sabiex Yannick Carrasco (22) u Rodrigo de Paul (50) wieġbu għall-ġganti Spanjoli.
Grupp C
Inter v Plzen
Inter ġewwa darhom f’San Siro għelbu lil Plzen bl-iskor kbir ta’ 4-0, bl-erba’ goals għalihom jaslu minn Henrik Mkhitaryan, doppjetta personali ta’ Eden Dzeko (42, 66) u Romelu Lukaku (87).
Barcelona v Bayern Munich
Bayern Munich barra minn darhom għelbu lil Barcelona bl-iskor ta’ 2-0, bil-protagonisti għalihom hekk kif irnexxielhom isibu x-xibka jkunu Sadio Mane (10), Eric Maxim Choupo Moting (31) u Benjamin Pavard (95). B’hekk, Barcelona gew eliminati minn din il-kompetizzjoni u issa se jkunu qed jilagħbu fil-UEFA Europa League.
Grupp D
Tottenham H. v Sporting CP
Tottenham H. u Sporting CP temmew il-konfront ta’ bejniethom fi draw ta’ 1-1, bil-goal għal Spurs jasal minn Rodrigo Bentancur (80), waqt li kien Marcus Edwards li fetaħ l-iskor momentarjament għall-ġganti Portugiżi (22). Ta’ nota huwa l-fatt li Harry Kane kellu goal imħassar għal Spurs minħabba offside fis-96 minuta, waqt li fost protesti minħabba dan il-każ, tkeċċa l-manager ta’ Tottenham, Antonio Conte, permezz ta’ karta ħamra diretta.
Eintracht F. v Marseille
Eintracht Frankfurt ġewwa darhom għelbu lil Marseille bl-iskor ta’ 2-1, bil-goals għalihom jaslu minn Daichi Kamada (3) u Randal Kolo Muani (27). Dan sabiex Matteo Guendouzi (22) wieġeb għal Marseille.