Meta llum u għada tintlagħab it-tieni ġurnata tal-Fażi tal-Gruppi tal- UEFA Champions League, l-aktar partita li tispikka hija dik bejn Napoli u Real Madrid.
Napoli v Real Madrid – Dan huwa l-aqwa konfront fost is-16-il logħba ta’ dan il-programm.
Iż-żewġ timijiet ġejjin minn rebħiet domestiċi.
Jidher li Napoli sabu l-forma tagħhom meta fl-aħħar żewġ ħarġiet huma għelbu lil Udinese (4-1) u lil Lecce (4-0) filwaqt li Real Madrid għelbu lil Las Palma (2-0) u lil Girona (3-0).
Barra minn hekk, iż-żewġ timijiet li jinsabu fi Grupp C rebħu l-ewwel partita tagħhom u għaldaqstant illum iridu jintilfu l-punti.
Peró, xorta waħda jibqgħu favoriti li jikkwalifikaw minn dan il-grupp.
Napoli se jkollhom jgħaddu mingħajr l-imweġġgħin, Pierluigi Gollini, Amir Rrahmani u Juan Jesus. Min-naħa l-oħra, Thibaut Courtois, Eder Militao u Arda Guler, huma neqsin għall-Ispanjoli għall-istess raġuni.
Man Utd v Galatasaray – Wara t-telfa ta’ 4-3 kontra Bayern Munich, Manchester United jilqgħu lit-Torok ta’ Galatasaray f’din li hija meqjusa bħala partita delikata.
Xejn għajr minn rebħa ma tissodisfa l-kriterji tal- United jekk iridu jibqgħu javvanzaw meta bħalissa mhux għaddejjin minn forma tajba.
Huma ġejjin minn telfa ta’ 1-0 f’darhom kontra Crystal Palace fil-kampjonat u għaldaqstant il-moral jinsab xi ftit baxx.
Għar-Red Devils mistennija jirritornaw Sergio Reguilon u Antony filwaqt li Sofyan Amrabat se jagħmel id-debutt f’din il-kompetizzjoni.
Iżda huma għandhom neqsin lill-imweġġgħin, Aaron Wan-Bissaka, Luke Shaw, Kobbie Mainoo, Tyrell Malacia, Lisandro Martinez u lil Jadon Sancho li huwa sospiż mill-club.
Inter v Benfica – Wara d-draw ta’ 1-1 kontra Benfica, Inter għandhom partita diffiċli meta jaffrontaw lil Benfica li, fi Grupp D, jinsabu bla punt meta f’darhom sfaw megħluba minn Salzburg bl-iskor ta’ 2-0.
Għaldaqstant jinżlu għal dan il-konfront determinati li ma joħorġux b’idejhom vojta għax tkun daqqa ta’ ħarta oħra fit-tentattiv li jikkwalifikaw mal-Aħħar 16.
In-Nerazzurri għandhom lil lil Stefano Sensi, Juan Caudrado u Davide Frattesi neqsin minħabba injury, filwaqt li Antono Silva huwa nieqes għal Benfica għall-istess raġuni.
Leipzig v Man City – Iċ-champions Ewropej, Manchester City, imorru l- Ġermanja biex jiffaċċjaw lil RB Leipzig li bħalissa jinsabu għaddejjin minn forma tajba.
Filwaqt li huma ġejjin minn draw ta’ 2-2 kontra Bayern Munich, is-Citizens sofrew telfa ta’ 2-1 għand Wolves fil-kampjonat domestiku.
Minkejja li din hija partita diffiċli u miftuħa għal kull riżultat, iż-żewġ timijiet m’għandhomx ifallu milli jikkwalifikaw minn din il-fażi hekk kif jinsabu fl-ewwel post ta’ Grupp G.
