Real Madrid barra minn darhom f’Anfield kisbu rebħa kbira ta’ 5-2 kontra Liverpool, biex issa jinsabu pass ‘il bogħod milli jiksbu post fil-kwarti tal-finali.
Kienu r-Reds li fetħu l-iskor permezz ta’ Darwin Nunez (4), biex Mohamed Salah irdoppja l-iskor għalihom (14).
Iżda l-Madrileni ma rmewx ix-xugaman, anzi wettqu reazzjoni tajba u fil-21 minuta naqqsu l-marġni tal-iskor permezz ta’ Vinicius Junior, qabel ma ġabu l-iskor indaqs għal darb’oħra permezz ta’ Vinicius Junior (36).
Huma qalbu l-iskor favur tagħhom permezz ta’ Eder Militao (47), biex komplew ikabbru l-marġni tal-iskor permezz ta’ Karim Benzema (55), qabel issiġillaw ir-rebħa permezz tal-ħames goal għal darb’oħra minn Karim Benzema (67).
