Meta ntlagħbet it-tieni ġurnata tal-Fażi tal- Kampjonat tal-UEFA Conference League, Chelsea u Fiorentina rreġistraw rebħiet tajbin meta għelbu lil Panathinaikos u lil St Gallen rispettivament.
Panathinaikos v Chelsea – Chelsea kisbu t-tieni rebħa minn daqstant partiti meta marru l-Greċja u għelbu lil Panathinaikos bl-iskor ta’ 4-0.
Il-Pensioners fetħu vantaġġ ta’ erba’ goals minn doppjetta ta’ Joao Felix (22, 55) … minn Mykhailo Mudryk (49) u minn penalty ta’ Christopher Nkunku (59), filwaqt li Facundo Pellistri (69) skorja l-goal ta’ konsolazzjoni għat-team ospitu.
Din ir-rebħa setgħet kienet ferm akbar iżda Chelsea fallew bosta okkażjonijiet ta’ skor.
St Gallen v Fiorentina – Anke Fiorentina rreġistraw it-tieni rebħa nfila meta fl-Isvizzera għelbu lil St Gallen bl-iskor ta’ 4-2, bl-iskorers ikunu Lucas Martinez (50), Jonathan Ikone (54, 69) u Robin Gosens (92) filwaqt li Felix Mambimbi (23) u Lukas Gortler (62) skorjaw għal St Gallen.
Hearts v Omonia Nicosia – Hearts ospitaw lit-team Ċiprijott ta’ Omonia Nicosia u rebħulhom bl-iskor ta’ 2-0 bil-goals jaslu minn Alan Forrest (16) u Blair Spittal (23).
