Minn Cristian Muscat
Hamrun Spartans …4
Alashkert …………….1
(Aggregate: 4-2)
Hamrun Spartans għaddew għat-tieni round ta’ kwalifikazzjoni tal- UEFA Conference League meta għamlu rimonta impekkabbli biex għelbu lil Alashket 4-1 għal aggregate ta’ 4-2.
Bla dubju, kulħadd antiċipa li wara li kienu goal minn taħt, l-Ispartans kienu resqin lejn l-eliminazzjoni … iżda huma kellhom ideat oħra minħabba li f’temp ta’ 20 minuta skorjaw erba’ goals biex dawru r-rizultat favur tagħhom.
Kien biss fis-16-il minuta li waslet l-ewwel azzjoni denja ta’ nota b’Hamrun ikunu huma li joħolqu l-periklu meta Elvis Mashika Sukisa dar tajjeb ma’ difensur avversraju iżda permezz ta’ xutt b’saħħtu minn tarf il-kaxxa, sab lill-goalkeeper ta’ Alashkert, Ognjen Cancarevic, attent.
Huma komplew fuq l-offensiva u fit-28 minuta Matthew Guillaumier kellu xutt mid-distanza li ntemm barra.
Kulma jmur kompla d-dominju tal-Ispartans u fil-31 minuta, Juan Carlos Corbalan xeħet cross lejn Prsa li beda jirriżulta bħala l-aqwa player fost sħabu ipprova jgħaddi lejn Elvis iżda difensur avevrsarju tajjar il-ballun ‘il bogħod minn kull periklu.
It-team immexxi mill-coach Branko Nisevic reġa’ ħoloq il-periklu tliet minuti biss wara meta Dodo xeħet cross fid-direzzjoni ta’ Jonny li kellu d-daqqa ta’ ras tiegħu mill-viċin tintemm ftit barra.
Wara taqsima mingħajr goals, l-emozzjonijiet “splodew” wara l-mistrieħ.
Fis-47 minuta, Hamrun ħarbu b’kontrattakk u b’Jonny jaqbad lill-goalkeeper Cancarevic barra minn postu, it-tentattiv ta’ Jonny għadda ftit barra.
Iżda kontra x-xejra tal-logħob, fil-50 minuta, Alashkert fetħu l-iskor meta David Khurtsidze approfitta minn indeċiżjoni ta’ Emerson Marcelina qabel xeħet cross lejn ARTAK YEDIGARYAN li minn pożizzjoni ideali tefa’ l-ballun fix-xibka.
Iżda Hamrun għamlu reazzjoni mill-aqwa u ta’ dan ġew ippremjati meta ħames minuti wara ġabu l-iskor indaqs meta Dodo xeħet cross lejn ROKO PRSA li permezz ta’ daqqa ta’ ras preċiża tefa’ l-ballun fix-xibka.
L-Ispartans komplew jippressaw u fit-63 minuta qalbu l-iskor favur tagħhom meta minn azzjoni ta’ corner mogħti minn Prsa, OGNJEJN BJELICIC, kellu d-daqqa ta’ ras tiegħu minn taħt il-lasti tintemm fix-xibka.
Fit-73 minuta, il-Ħamruniżi skorjaw it-tielet goal meta Ryan Camenzuli b’mod inetelliġenti indirizza cross fil-baxx li sab lil JONNY li minn taħt il-lasta tefa’ ġewwa.
U jidher li l-Ispartans ma kinux kuntenti biżżejjed b’dan l-iskor hekk kif żewġ minuti biss wara, minn azzjoni ta’ free-kick mogħti minn Prsa, il-ballun spiċċa għand id-difensur internazzjonali Steve Borg li pprovda l-assist lil DODO li minn qagħda ideali tefa’ l-ballun fix-xibka u lill-partitarju numerużi Ħamruniżi f’dellirju ta’ ferħ għal din il-kwalifikazzjoni biex issa jilagħbu kontra Velez Mostar ta’ Bosnja.
Hamrun R.: 1-Henry Bonello, 4-Steve Borg, 6-Matthew Guillaumier (20-Matteo Fedele 83), 9-Elvis Mashika Sukisa (35-Igor Nedeljkovic 56), 10-Dodo (3-Bruno Ederson Domingos 78), 12-Roko Prsa, 27-Ognjejn Bjelicic (14-Rodrigo Callegari 79), 28-Juan Carlos Corbalan, 63-Jonny, 91-Emerson Macelina, 94-Ryan Camenzuli – Coach: Branko Nisevic
ALASHKERT: 22-Ognjen Cancarevic, 2-Tiago Cameta, 3-Taron Voskanyan, 5-Didier Kadio, 17-Artak Yedigaryan (99-Faider Burbana 76), 20-Thiago Galvao (9-Aleksandre Karapetyan 76), 21-Artak Grigoryan, 27-David Khurtsidze (55-Sargis Metayan 83), 70-Berik Hovhannisyan (77-Rumyan Hovsepyan 63), 88-James, 95-Bladimir Diaz Saavedra (15-Ismael Fofana 46) – Coach: Aram Voskanyan
REFEREE: Milos Savovic (Montenegro)
ASS. REFEREES: Nikola Radulovic, Aleksandar Djikanovic (Montenegro)
RABA’ UFF: Predrag Radovanovic (Montenegro)
SKORERS: A. Yedigaryan 50 (A), R. Prsa 55, O. Bjelicic 63, Jonny 73, Dodo 75 (HS)
AMMONITI: B. Hovhannisyan, R. Hovsepyan, D. Khurtsidze, T. Voskanyan (A), S. Borg, B. Ederson Domingos (H)
