Barcelona ……..2
Man Utd ……….2
Fl-aqwa partita tal-UEFA Europa League Barcelona u Manchester United temmew fi draw ta’ 2-2 f’partita mill-aktar eċċitanti.
L-ewwel taqsima kienet waħda bilanċjata fejn iż-żewġ timijiet daħlu jistrieħu fi draw ta’ mingħajr goals.
Iżda ħames minuti mill-ftuħ tat-tieni taqsima, Barcelona fetħu l-iskor minn Marcos Alonso wara azzjoni ta’ corner.
Peró, il-Katalani ma tantx damu jgawdu dan il-goal minħabba li żewġ minuti wara Manchester United kisbu d-draw meta Marcus Rashford irnexxielu jixħet il-ballun fix-xibka minn pożizzjoni angolata.
Fis-60 minuta, ir-Red Devils marru fil-vantaġġ meta Rashford daħal fil-kaxxa u xeħet cross li ħabat ma’ Bruno Fernandez u b’karambola l-ballun ħabat ma’ Raphinha biex ikkommetta auto-goal.
Fis-76 minuta, Barcelona jiksbu d-draw meta Raphinha jdendel cross li qabeż lil kulħadd u qarraq għal kollox lill-goalkeeper David De Gea.
Żewġ minuti mit-tmiem, Barcelona kienu għoddhom skorjaw il-goal tar-rebħa meta Casemiro kien se jikkommetti auto-goal iżda l-ballun ħabat mal-lasta minflok spiċċa fix-xibka biex ġie kklerjat … iżda l-Katalani heddew b’De Gea jwettaq save inkredibbli fuq Ansu Fati.
