Meta bdiet tintlagħab l-ewwel ġurnata tal-Fażi tal-Gruppi tal-UEFA Europa League, Liverpool dawru telfa f’rebħa biex għelbu lit-team modest ta’ LASK bl-iskor ta’ 3-1.
LASK v Liverpool – Liverpool marru fil-belt ta’ Linz, fl-Awstrija u kellhom jitħabtu biex għelbu lil LASK bl-iskor ta’ 3-1.
Kien Florian Flecker (14) li fetaħ l-iskor għall-Awstrijaċi b’kanunata minn barra l-kaxxa. Iżda tliet goals minn Darwin Nunez (56 pen), Luis Diaz (63) u Mohamed Salah (88) dawru r-riżultat favur Liverpool.
Sheriff v Roma – Barra minn darhom Roma għelbu lil Sherif Tiraspol bl-iskor ta’ 2-1.
Il-goals waslu minn Leandro Paredes (45) u Romelu Lukaku (65) filwaqt li Cristian Tovar (57) kiseb id-draw momentarju għall-Moldovani.
