Meta ttellgħu l-poloz tal-Aħħar 16 tal-UEFA Europa League, Manchester United għandhom konfront mill-aktar delikat hekk kif se jaffrontaw lill-Ispanjoli ta’ Real Sociedad, filwaqt li Tottenham jilagħbu kontra AZ Alkmaar u Rangers jiltaqgħu ma’ Fenerbahce ta’ Jose Mourinho.
Iż-żewġ timijiet tal-belt kapitali Taljana, Roma u Lazio, setgħu ltaqgħu kontra xulxin f’dan ir-round iżda evitaw lil xulxin hekk kif Roma se jilagħbu kontra Athletic Bilbao filwaqt li Lazio se jaffrontaw liċ-Ċeki ta’ Viktoria Plzen.
Jekk il-United javvanzaw, huma jilagħbu kontra l-leaders tal-kampjonat Rumen FCSB jew Lyon fil-kwarti-finali.
Spurs jew it-team Olandiż AZ Alkmaar se jiffaċċjaw lil Eintracht Frankfurt jew Ajax fil-kwarti-finali, filwaqt li Rangers jiltaqgħu kontra Roma jew Athletic Bilbao jekk jegħlbu lit-Torok ta’ Fenerbahce.
Min-naħa l-oħra, jekk Lazio jikkwalifikaw fil-kwarti-finali huma jaffrontaw ir-rebbieħa bejn Bodo/Glimt u Olympiakos.
Il-poloz tal-Aħħar 16 irriżultaw hekk:
– Bodo-Glimt v Olympiakos
– Fenerbahce v Rangers
– Ajax v Eintracht Frankfurt
– FCSB v Lyon
– AZ Alkmaar v Tottenham
– Real Sociedad v Manchester United
– Viktoria Plzen v Lazio
– Roma v Athletic Bilbao
Il-poloz tal-kwarti-finali huma:
– AZ Alkmaar/Tottenham v Ajax/Eintracht Frankfurt
– Bodo-Glimt/Olympiakos v Viktoria Plzen/Lazio
– Fenerbahce/Rangers v Roma/Athletic Bilbao
– FCSB/Lyon v Real Sociedad v Manchester United
Il-partiti tal-Aħħar 16 jintlagħbu fis-6 ta’ Marzu (I Leg) u 13 ta’ Marzu (II Leg).
