L-FA Ukrena ħabbret li l-logħba ta’ kwalifikazzjoni tal- Euro 2024 bejn l-Ukrajna u Malta tad-19 ta’ Ġunju se ssir fi Stadion Antona Malatinskeho ta’ Trnava, is-Slovakkja.
Din se tkun it-tieni logħba tal-Ukreni f’dawn il-preliminari wara li bdew b’telfa 2-0 kontra l-Ingilterra f’Wembley.
Min-naħa tal-Maltin diġá lagħbu żewġ logħbiet fejn tilfu 2-1 kontra l-Maċedonja ta’ Fuq fi Skopje u 2-0 kontra l-Italja f’Ta’ Qali.
Qabel Malta se tilgħab partita ta’ ħbiberija kontra l-Lussemburgu u fis-16 ta’ Ġunju tospita lill-Ingilterra fis-16 ta’ Ġunju.
