Brentford …….. 4
Man Utd ………. 0
Brentford ipproduċew wirja stupenda fl-ewwel taqsima hekk kif skorjaw erba’ goals fl-ewwel 35 minuta biex ikkundannaw lil Manchester United għal telfa umiljanti fil-Gtech Community Stadium.
Fl-10 minuta, Josh Dasilva poġġa lit-team ospitu fil-vantaġġ meta x-xutt tiegħu mid-distanza b’xi mod ħarab minn idejn il-goalkeeper tal-United, David de Gea.
Kien goal li ħarbat għal kollox lir-Red Devils biex tmien minuti wara, Mathias Jensen irduppja l-vantaġġ.
Kien jidher ċar li t-tattika tal-coach, Erik ten Hag, ma kintix qed tiffunzjona … u minflok bidel is-sistema ta’ logħob … ħalla kollox kif kien biex sal-mistrieħ reġgħu sofrew żewġ goals oħra … min Ben Mee (30) u Bryan Mbeumo (35).
Din kienet is-seba’ telfa konsekuttiva tal-United fil-kampjonat … l-agħar rekord mill-1936 … filwaqt li hija s-seba darba li sofrew mill-inqas erba’ goals f’logħba tal-kampjonat mill-bidu tal-istaġun li għadda.
