Aston Villa ħatru lil Unai Emery bħala manager il-ġdid wara t-tkeċċija ta’ Steven Gerrard.
L-eks coach ta’ Arsenal, Emery, li kien fir-responsabbiltá tat-team Spanjol, Villarreal, mistenni jieħu r-riedni mill-1 ta’ Novembru li ġej.
Il-Villans ħallsu £5.2 miljuni lill-club Spanjol biex dan il-coach ta’ 50 sena ikun jista’ jibda jaħdem f’Villa Park mill-bidu tal-ġimgħa d-dieħla.
L-interim coach, Aaron Danks, se jerġa’ jieħu t-tmexxija t-team għall-partita ta’ tmiem il-ġimgħa li ġimgħa li ġej għand Newcastle.
Emery, li ma’ Villarreal kien se jintemmlu l-kuntratt f’Ġunju li ġej, se jkun jista’ jibda jaħdem fl-Ingilterra wara li jitlestew il-formalitajiet tal-permess tax-xogħol tiegħu.
