It-tim nazzjonali Malti ta’ taħt is-17-il sena se jkun qed jilgħab il-logħob ta’ grupp 4 tar-rawnd ta’ kwalifikazzjoni tal-Kampjonat Ewropew tal-UEFA ta’ taħt is-17-il sena bejn id-19 u l-25 ta’ Ottubru fis-Centenary Stadium f’Ta’ Qali. Grupp 4 huwa kompost mill-Iskozja, ir-Repubblika Ċeka, l-Irlanda ta’ Fuq u l-pajjiż ospitanti Malta.
Il-kowċ nazzjonali, Ivan Woods, sejjaħ skwadra ta’ 20 plejer għal dan l-impenn internazzjonali. L-iskwadra sħiħa hija kif ġej:
Goalkeepers – Niklas Vella (Balzan), Jake Scicluna (Valletta)
Difensuri – Nic Briffa (Birkirkara), Kean Scicluna (Hamrun Spartans), Lukas Okeke (Birkirkara), Sheldon Borg (Pietà Hotspurs), Kewell Fardell (Valletta), Lydon Seychell (Valletta), Shaun Carabott (Valletta), Shelom Magri (Birkirkara)
Midfielders – Bradley Farrugia (Mosta), Antiago De Flavia (Floriana), Jerome Baldacchino (Valletta), Thomas Melillo (Pietà Hotspurs)
Attakkanti – Jake Azzopardi (Valletta), Felippe Bugeja (Hamrun Spartans), Liam Delicata (Birkirkara), Nicholas Agius (Birkirkara), Keyon Ewurun (Valletta), Nexille Grech (Hamrun Spartans)
Fixtures
Il-logħob kollu fi Grupp 4 se jintlagħab kif ġej fis-Centenary Stadium. Il-lista sħiħa tal-fixtures hija din:
L-Erbgħa (19/10/2022): L-Ewwel Partita – Centenary Stadium
11:00am – L-Iskozja v Malta
4.00pm – L-Irlanda ta’ Fuq v Repubblika Ċeka
Is-Sibt (22/10/2022): It-tieni Partita – Centenary Stadium
11:00am – Skozja v Irlanda ta’ Fuq
4.00pm: Repubblika Ċeka v Malta
It-Tlieta (25/10/2022): It-Tielet Partita – Centenary Stadium
11:00am – Repubblika Ċeka v Skozja
4.00pm – Malta v Irlanda ta’ Fuq
Prezzijiet tal-biljetti
In-naħa A tas-Centenary Stadium se tkun miftuħa għall-partitarji. Il-prezzijiet tal-biljetti għal partita waħda huma kif ġej:
Adulti – €6
U12, Over 60, Konċessjonijiet – €4
Tfal tal-iskola (bl-uniformi) u għalliema, u nurseries – b’xejn
Streaming onlajn
Il-logħob jista’ jiġi segwit dirett fuq il-Malta FA Youtube Channel
Il-kompetizzjoni
L-aqwa żewġ timijiet f’kull grupp se jingħaqdu mal-Olanda u Spanja fir-rawnd tal-elite li se jintlagħab fir-rebbiegħa tal-2023, flimkien mal-erba’ timijiet li jinsabu fit-tielet post bl-aqwa rekords kontra l-aqwa tnejn fit-taqsima tagħhom. L-ospitanti Ungerija jikkwalifikaw direttament għat-tournament finali ta’ 16-il tim li se jintlagħab bejn is-17 ta’ Mejju u t-2 ta’ Ġunju tas-sena d-dieħla.
