Malta ………………1
Ukrajna …………..3
Wirja qalbiena mit-tim nazzjonali Malti ta’ taħt id-19-il sena ma kinitx biżżejjed hekk kif safa megħlub mll-Ukrajna bl-iskor ta’ 3-1.
Fis-17-il minuta, l-Ukrajna fetħu l-iskor minn freekick dirett ta’ Bohdan Manuylov, il-ballun mgħejjun mir-riħ minn fuq il-linja xellugija, qarraq għal kollox bil-goalkeeper Malti Luca Camilleri.
Malta bdiet it-tieni taqsima b’saħħitha u wara tliet minuti, it-tentattiv ta’ Barbara minn tarf il-kaxxa kważi ssorprenda lill-goalkeeper Ukren Davyd Fesyuk, iżda t-tentattiv tal-midfielder eleganti ta’ Valletta falla l-mira bi ftit. Fil-55 minuta, l-attakkant Ukren Matvii Ponomarenko kważi kkapitalizza minn żball difensiv meta, minn cross ta’ Tuterov, Camilleri ma kklerjax il-ballun iżda l-attakkant ta’ Dynamo Kyiv ra l-isforz tiegħu jgħaddi minn fuq il-mimduda.
Qrib is-siegħa logħob, Malta ġabet l-iskor indaqs meta minn azzjoni ta’ corner, l-inswinger ta’ Barbara tkompla għal ġewwa bir-ras minn Matviy Ponomarenko biex b’hekk irriżulta auto-goal sfortunat.
Madankollu, fil-71 minuta, l-Ukrajna rebħu free-kick f’tarf il-kaxxa, b’Ponomarenko jkollu t-tentativ tiegħu devjat għal ġewwa minn Ensell Attard, biex irriżulta auto-goal ieħor fil-partita.
Fil-ħin miżjud, l-Ukreni ssiġillaw ir-rebħa permezz tat-tielet goal permezz ta’ xutt fil-baxx minn tarf il-kaxxa ta’ Tuterov.
Malta: Luca Camilleri, Kian Vella (Kaiden Fenech 77), Sven Xerri, Ivin Farrugia, Myron Micallef (Andrew Apap Bologna 72), Isaiah Chukunyere, Lucas Caruana, Zak Barbara, Ethan Debono (Ensell Attard 64), Kian Leonardi (Matthias Fenech 64), Sean Gatt Coach: Paul Gatt
Ukrajna: David Fesyuk, Mykola Oharkov (Denys Dykyi 89), Taras Mykhavko, Maksym Melnychenko, Oleksiy Husyev, Vitaliy Mykhayliv (Ivan Yermachkov 86), Daniil Vashchenko (Yevheniy Mykytiuk 63), Dmytro Kremchanylov, Rodan Timchanylov, Matviy Ponomarenko (Serhiy Pancheko 86) Coach: Oleg Kuznetsov
Referee: Chrysovalantis Theouli (Ċipru)