Il-coach ta’ Malta U21 Ivan Woods ħabbar l-iskwadra ta’ 21 player qabel il-logħob ta’ kwalifikazzjoni tal-Kampjonat Ewropew U21 tal-UEFA li jmiss kontra l-Kazakhstan u l-Iskozja.
Il-konfront kontra l-Kazakhstan se jsir nhar il-Ħamis li ġej, 5 ta’ Settembru, fi Stadion Akademii T.S.Segizbaeva f’Almaty, il-Kazakhstan, filwaqt li l-logħba ta’ wara kontra l-Iskozja tintlagħab nhar it-Tlieta, 10 ta’ Settembru, fl-Istadium Nazzjonali, Ta’ Qali.
L-iskwadra tara r-ritorn tal-midfielder ta’ Western Sydney Wanderers, Dylan Scicluna, li tilef iż-żewġ partiti ta’ ħbiberija kontra l-Belarus f’Ġunju li għadda.
Żieda notevoli huwa Isaiah Chukunyere, li l-wirjiet impressjonanti tiegħu għal Hibernians fil-bidu ta’ dan l-istaġun ġew ippremjati b’sejħa fl-iskwadra. Huwa deher fit-tliet logħbiet tal-Pawlisti s’issa dan l-istaġun, u saħansitra għandu goal wara ismu, minkejja li għandu 19-il sena biss.
L-iskwadra ta’ 21 player magħżula minn Ivan Woods hija:
Malta U21 coach Ivan Woods has announced his 21-man squad
Goalkeepers: Dylan Ciappara (Balzan), Matthias Debono (Naxxar L.), Hugo Sacco (Hibernians).
Difensuri: Matthew Ellul (Hibernians), Owen Spiteri (Floriana), Sven Xerri (Hamrun S.), Zean Leonardi (Pieta’ H.), Deacon Abela (Swieqi U.), Jake Micallef (Żabbar SP).
Midfielders: Aleandro Garzia (Floriana), Karl Mohnani (Melita), Nikolai Micallef (Naxxar L.), Kurt Bondin (Melita), Andrew Borg (Gżira U.), Dylan Scicluna (Western Sydney Wanderers, Awstralja), Matthew Debattista (Melita), Daniel Letherby (Hamrun S).
Attakkanti: Mattia Veselji (Floriana), Andrea Zammit (Birkirkara), Basil Tuma (Reading, Ingilterra), Isaiah Chukunyere (Hibernians).
