Raġel Ungeriż li kien qed jgħix il-Ħamrun aċċetta li jirritorna pajjiżu biex jiskonta piena ta’ ħabs fuq serq.
Karoly Laszlo Nagy, li għandu 60 sena, tressaq quddiem il-Maġistrat Nadine Lia wara talba mill-awtoritajiet Ungeriżi.
Nagy kien ikkundannat erba’ snin ħabs wara li nstab ħati ta’ serq aggravat imma ħarab u kien għalhekk li nħareġ mandat ta’ arrest Ewropew.
Huwa daħal fl-awla f’siġġu tar-roti peress li għandu siequ x-xellugija miskura u m’oġġezzjonax li jintbagħat lura pajjiżu.
Nagy tressaq mill-Ispettur Mark Galea u kellu jassistih lill-Avukat Joseph Bonnici.
