Meta ntlagħab it-tieni leg tal-kwarti-finali tal-UEFA Nations League, saru magħrufa s-semi-finalisti li huma l-Ġermanja, il-Portugall, Franza u Spanja.
Ir-rebħa ta’ Spanja 5-4 bil-penalties wara draw ta’ 3-3 (aggregate 5-5) kienet tfisser li issa t-telliefa l-Olanda jilagħbu fil-grupp ta’ Malta, fir-round ta’ kwalifikazzjoni għat-Tazza tad-Dinja 2026.
Il-goals tal-Ispanjoli waslu minn Mikel Oyarzabal (8 pen, 67) u Lamine Yamal (103) filwaqt li Memphis Depay (54 pen), Ian Maatsen (79) u Xavi Simons (108 pen) wieġbu għall-Olanda.
Franza v Kroazja – Franza għelbu lill-Kroazja bl-iskor ta’ 2-0 b’goals minn Michael Olise (52) u Ousmane Dembele (80) għal aggregate ta’ 2-2. Wara l-ħin barrani l-iskor baqa’ ma nbidilx u għaldaqstant kellhom jingħataw il-penalties.
Eventwalment Franza ħarġu rebbieħa 5-4.
Ġermanja v Italja – Il-Ġermanja u l-Italja spiċċaw fi draw ta’ 3-3 biex il-Ġermaniżi għaddew bl-aggregate ta’ 5-4.
Il-Ġermanja fetħu vantaġġ ta’ tliet goals minn Joshua Kimmich (30), Jamal Musiala (36) u Tim Kleindienst (45) iżda l-Italja għamlu rimonta u skorjaw minn Moise Kean (49, 69) u Giacomo Raspadori (91 pen).
Portugall v Danimarka – Portugall għelbu lid-Danimarka 5-2 (aggregate ta’ 5-3)b’goals minn Joachim Andersen (38 og), Cristiano Ronaldo (72), Francisco Trincao (86, 91) u Goncalo Ramos (115) filwaqt li Rasmus Kristensen (56) u Christian Eriksen (76).
