LATVJA ………0
MALTA ……….1
It-tim nazzjonali Malti tan-nisa kiseb rebħa storika u tliet punti fl-ewwel logħba tal-League C Grupp 1 tal-UEFA Nations League meta barra minn darna għeleb lil dak tal-Latvja bl-iskor ta’ 1-0 grazzi għal goal minn Haley Bugeja.
Din ir-rebħa tkompli tgħolli l-moral tal-football domestiku li miexi fid-direzzjoni t-tajba.
Sa mis-suffara inizjali, il-Maltin ħarġu fuq l-offensiva u wara tliet minuti rebħu free-kick iżda t-tentattiv ta’ Rache Cuschieri spiċċa barra.
L-ewwel opportunità ta’ skor tal-Latvja waslet fl-10 minuta meta Miksone rnexxielha tgħaddi l-ballun lil Zaicikova iżda x-xutt tagħha ġie salvat mill-goalkeeper Janice Xuereb.
B’mod gradwali, il-Maltin bdew jirbħu l-pussess tal-ballun u jiddettaw il-logħob iżda naqsu milli jippenetraw lid-difiża avversarja.
Fit-22 minuta, Haley Bugeja xeħtet lejn Raina Guisti li waslet tard biex il-ballun spiċċa f’idejn il-goalkeeper avversarja.
Fil-35 minuta, azzjoni mill-aqwa ta’ Bugeja spiċċat bit-tenattiv tagħha jiġi mdawwar f’corner. Żewġ minuti wara, il-goalkeeper Maltija kienet providenzjali meta salvat ix-xutt b’saħħtu ta’ Miksone.
Il-Latvja komplew jippressaw u free-kick ta’ Rocane sab lil Zaicikova fil-kaxxa li bir-ras rat lil Xuereb issalva f’żewġ tentattivi. L-aħħar ċans qabel il-mistrieħ reġa’ waqa’ f’saqajn Zaicikova, iżda x-xutt b’saħħtu tagħha ħabat max-xibka minn barra, biex ta l-illużjoni tal-goal.
It-tieni taqsima bdiet bil-Latvja fuq l-offensiva u fit-48 minuta, resqu viċin iżda Zaivikova falliet il-mira minn poizzjoni ideali.
Ir-reazzjoni tal-Maltin waslet fit-52 minuta meta pass fil-baxx ta’ Bugeja sab lil Sciberras, iżda x-xutt tagħha ġie kklerjat f’corner. Minuta wara Giusti ma nkwadratx il-lasta mill-cross ta’ Bugeja.
L-aħjar ċans tal-Latvja wasal fis-57 minuta meta xutt b’saħħtu ta’ Secova ħabat mal-lasta u sussegwentement ġie kklerjat mid-difiża ta’ Malta.
Fil-75 minuta, minn azzjoni ta’ corner, id-difiża Maltija kkerljat ħażin, b’Sevcoca tapprofitta iżda x-xutt tagħha ġie nnewtralizzat f’corner minn Xuereb
Fit-82 minuta cross shot ta’ Ann Marie Said ġie mxellef f’corner mill-goalkeeper tal-Latvja … u mill-istess corner, id-difensuri tal-Latvjanaqsu li jikklerjaw il-ballun, b’Cuschieri tirbaħ il-ballun u tgħaddi lejn HALEY BUGEJA li b’xutt fil-baxx xeħtet il-ballun fir-rokna tax-xibka.
Latvja: L Vaivode; A. Flakse; P. Linina; V. Zaičikova; A. Poluhoviča (Lipsane 89); A. Ročāne; D. Suivitra (S. Voitāne 64); O. Ševcova; A. Gornela; K. Miksone; S Garanča
Malta: J. Xuereb; A. M. Said; E. Lipman; R. Cuschieri; M. Farrugia (S. Farrugia 85); R. Guisti (L. Ayres 58); S. Zammit (B. Borg 58); C. Zammit; E. Xuereb; N. Sciberras; H.Bugeja
Referee: Jana Van Laere (Belġju)
