Gudja U…………….1
Valletta……………..2
Valletta għelbu lil Gudja United bl-iskor ta’ 2-1, biż-żewg goals tagħhom jaslu fl-ewwel taqsima, u dan meta lagħbu għal kważi taqsima sħiħa b’10 players. Għall-Gudja, din kienet l-ewwel partita fuq il-bank għall-coach Ludvic Bartolo, wara li ħa post il-coach Taljan Andrea Agostinelli li ħa t-tmun ta’ Benevento Calcio fis-Serie B fl-Italja. Dan sabiex għal Gudja, iddefenda l-lasti James Pisani minflok il-goalkeeper titolari, Glenn Zammit.
Kienu Valletta li ħarġu fuq l-offensiva u fl-20 minuta Federico Falcone kellu t-tentarriv tiegħu salvat minn fuq il-linja fatali minn Neil Tabone.
Iżda l-Beltin ma kellhomx jiġu mċaħħda meta minn azzjoni ta’ corner, Enmy Manuel Pena Beltre indirizza cross li sab lil Federico Falcone, li kellu d-daqqa ta’ ras tiegħu mill-viċin titkompla għal ġewwa minn CHRISTIAN GAUCI.
Tliet minuti biss wara, Valletta, irduppjaw l-iskor meta Farid Romero Zuniga tilef il-pussess tal-ballun f’tarf il-kaxxa u BRANDON PAIBER kellu x-xutt tiegħu jintemm fir-rokna tax-xibka.
Fil-50 minuta, Valletta, qalgħu daqqa ta’ ħarta meta tkeċċa għalihom permezz ta’ karta ħamra diretta il-player Niltinho wara battibekk li kellu mal-player ta’ Gudja, James Arthur.
Fid-69 minuta, Zuniga għal Gudja ttanta xortih permezz ta’ xutt mid-distanza li ġie salvat bi bravura mill-goalkeeper Taljan ta’ Valletta, Alessandro Guarnone, li proprju f’din il-partita kien qed jirritorna bejn il-lasti Beltin, hekk kif fil-partita preċedenti kien il-goalkeeper żagħżugħ Cain Formosa li ġie utilizzat bħala goalkeeper Belti. Żewġ minuti biss wara Nicolas Navarrete dejjem għall-Gudja kellu xutt sabiħ imblukkat mid-difiża Beltija.
Dan sabiex fil-85 minuta, SAMUEL GOMES DA MATA naqqas il-marġni tal-iskor għal Gudja, permezz ta’ freekick insidjuż li ntemm fir-rokna tax-xibka, bil-ballun jaħbat mal-mimduda, qabel intemm ġewwa.
Madankollu, Valletta, komplew jamministraw il-vantaġġ minimu li kellhom sa tmiem il-partita.
Gudja U.: 26-James Pisani, 21-Joseph Attard (19-Johann Bezzina 62), 8-Tatsuro Nagamatsu (77-Nicolas Navarette 62), 9-Vito Plut, 11-Shaisen Attard, 13-James Arthur (92-Jean Claude Bugeja Aboumehdi 91), 14-Neil Anthony Micallef (99-Irisio Kolf 88), 17-Karl Micallef, 23-Neil Tabone, 39-Samuel Gomes Da Mata, 88-Farid Romero Zuniga Coach: Ludvic Bartolo
Valletta: 26-Alessandro Guarnone, 3-Enzo Ruiz, 9-Andrea Zammit (80-Joseph Wily 77), 10-Shaun Dimech (30-Llywelyn Cremona 90), 11-Niltinho, 14-Christian Gauci, 18-Enmy Manuel Pena Beltre, 20-Federico Falcone (91-William Jebor 71), 22-Brandon Paiber (8-Triston Caruana 78), 24-Rowen Muscat, 66-Eslit Sala (6-Sheldon Mackay 70) Coach: Thane Micallef
Referee: Trustin Farrugia Cann
Ass. Referees: Luke Portelli, Max-Lee Muscat
Raba’ Uffiċjal: Daniel Casha
Skorers: C. Gauci 34, B. Paiber 38 (V), S. Gomes Da Mata 85 (G)
Tkeċċa: Niltinho 49 (V)
Ammoniti: N. Micallef, J. Arthur (G), C. Gauci (V)
Player tal-Logħba: Christian Gauci (V)
