Minn Cristian Muscat
Sirens ………0
Valletta …….3
Valletta għamlu pass kbir lejn is-salvazzjoni meta fl-ewwel partita tal-Play-Out Round għelbu lil Sirens bl-iskor ta’ 3-0 bil-goals kollha jaslu fit-tieni taqsima.
Huma qabżu lill-istess Sirens b’żewġ punti fil-klassifika li min-naħa tagħhom iddiżappuntaw.
Kien biss fl-24 minuta li waslet l-ewwel azzjoni denja ta’ nota b’Sirens ikunu huma li joħolqu l-periklu meta xutt ċentrali ta’ Degran Jackson minn gol-kaxxa ġie salvat tajjeb mill-goalkeeper Alessandro Guarnone.
Valletta wieġbu tliet minuti wara meta Ivan Curjuric spara xutt kważi minn tarf il-kaxxa li għadda ftit għoli.
Huma komplew fuq l-offensiva u fil-31 minuta kienu għoddhom fetħu l-iskor meta Mario Fontanella xeħet cross-shot għan-nofs li ġie devjat f’corner minn Renato Neto Cardoso Porto li kważi qarraq għal kollox bil-goalkeeper sieħbu, Jonathan Debono, meta kien se jikkommetti auto- goal.
Fil-ftuħ tat-tieni taqsima Valletta ħarġu aktar avventurużi u fil-51 minuti fetħu l-iskor meta Emmanuel Promise Oluwatobi venven xutt b’saħħtu minn qagħda ideali li ġie salvat parzjalment mill-goalkeeper Debono biex mir-rebound CAIO PRADO bir-ras xeħet fix-xibka bil-ballun jaħbat mal-wieqfa qabel jintemm ġewwa.
Huma komplew jippressaw u tmien minuti wara Debono dawwar f’corner b’mod spettakolari x-xutt qawwi tal-istess Prado.
Madankollu fid-59 minuta, il-Beltin irduppjaw meta Mario Fontanella approfitta minn indeċiżjoni tal-goalkeeper Debono u tefa’ l-ballun f’lasti vojta.
Il-Lilywhites komplew jiddominaw u fid-67 minuta resqu viċin li jkabbru l-iskor meta minn qagħda ideali Fontanella kellu t-tentattiv tiegħu jiġi salvat minn Debono.
Fid-79 minuta, Debono reġa’ salva fuq Fontanella wara azzjoni intelliġenti ta’ Oluwatobi.
Iżda fit-93 minuta huwa ma seta’ jagħmel xejn meta ġie megħlub minn xutt mid-distanza ta’ TRISTON CARUANA.
SIRENS: 1-Jonathan Debono, 5-Henrique Marcelino Motta, 7-Conor Borg (11-Alfred Effiong 69), 10-Bogdan Gavrila (9-Marios Lomis 79), 14-Diego Albanese (17-Jacob Walker 54), 21-Carlo Zammit Lonardelli, 22-Alex Cini, 30-Carlos Riascos Castillo, 31-Degran Jackson, 33-Vitor Vieira, 88-Renato Neto Cardoso Porto – Coach: Winston Muscat
VALLETTA: 26-Alessandro Guarnone, 6-Triston Caruana, 11-Michele Sansone, 14-Christian Gauci, 18-Enmy Manuel Pena Beltre, 19-Emanuel David Promise Oluwatobi (17-Andrea Zammit 92), 20-Ivan Curjuric (10-Shaun Dimech 86), 24-Rowen Muscat, 66-Eslit Sala, 77-Caio Prado (92-Kevin Tulimieri 75), 89-Mario Fontanella (9-Haris Dilaver 92) – Coach: Danilo Doncic
REFEREE: Trustin Farrugia Cann
ASS. REFEREES: Duncan Sultana, Paul Apap
RABA’ UFF: Stefan Pace
SKORERS: C. Prado 51, M. Fontanella 59, T. Caruana 93 (V)
AMMONITI: Ħadd
