L-għada tal-Milied, fil-korsa tal-Marsa saret laqgħa speċjali ta’ tiġrijiet ta’ tmiem is-sena li nkludiet żewġ tiġrijiet ewlenin magħrufa bħala EquestriMalta Grand Final fuq distanza maratona ta’ 3160m u b’bidu bil-vantaġġ. Velvet Gio rebaħ il-finali miftuħa għal żwiemel mill-klassijiet Premier u Gold u Miracle of Heaven dik għal żwiemel mill-klassijiet Silver, Bronze u Copper. Din kienet ukoll il-ħamsin u l-aħħar laqgħa tal-istaġun. Ir-rebbieħa taż-żewġ finali kienu misjuqa minn Rodney Gatt.
Fil-finali ewlenija, Rodney Gatt poġġa lil Velvet Gio quddiem dawra mit-tmiem. Dan irnexxilu jieħu s-seba’ rebħa tas-sena u f’Malta b’tul u nofs minn Iron De Ginai (Charles Degiorgio) u Cruise (Paul Galea). Al Capone Stecca (Redent Magro) u Eclair Des Vaux (Cliferty Calleja) kellhom ukoll pjazzament pożittiv. Ta’ min wieħed jinnota li r-rebbieħ kien qiegħed jibda b’distakk ta’ għoxrin metru.
Il-finali tal-klassijiet Silver, Bronze u Copper rat lil Miracle of Heaven (Rodney Gatt) jaqbeż lill-favorita Carbonfiber (Jesmar Gafa’) f’nofs id-dritta finali. Dan ħa r-raba’ rebħa f’Malta u tas-sena b’Fast Loulou (Noel Baldacchino), Givre Nonantais (Andrew Farrugia) u Gima Tege (Clint Vassallo) itemmu fit-tielet, ir-raba’ u l-ħames post rispettivament.
Fi tmiem iż-żewġ finali, Max Zammit CEO ta’ EquestriMalta u Tony Mifsud, Chairman tal-Malta Racing Club ippremjaw lis-sidien u s-sewwieqa taż-żwiemel rebbieħa.
Ir-rebbieħa kollha
I Tiġrija. Klassi Copper. Dist – 2140m. 1. Himitri Star (C. Piscopo Garzia) Ħin – 2.48.4” (1.18.7”) 2. Gringo Marancourt (G. Attard) 3. Oro Doc (J. Attard) 4. Rose Lloyd (E. Farrugia)
II Tiġrija. Klassi Copper. Dist – 2140m. 1. Dencos P. Galore (J. Cutajar) Ħin – 2.47.6” (1.18.3”) 2. Elvis Des Pignes (J. Attard) 3. Hippolyte De Bois (S. Micallef)
III Tiġrija. Klassi Bronze. Dist – 2140m. 1. Gaia Lucaxelo (J. Scerri) Ħin – 2.45.1” (1.17.2”) 2. Iriac Du Passage (E. Attard) 3. Good Job (K. Camilleri)
IV Tiġrija. Klassi Bronze. Dist – 2140m. 1. Imperial Du Stade (Ch. Briffa) Ħin – 2.45.2” (1.17.2”) 2. Galaxie d’Azur (O. Scicluna) 3. Friend (J. Azzopardi)
V Tiġrija. Klassi Silver-Bronze-Copper. Dist – 2140m. 1. My Love M.L. (G. Calleja) Ħin – 2.45.6” (1.17.4”) 2. Fosbury Zet (Ch. Bartolo) 3. Easy De Trouville (A. Grech)
VI Tiġrija. Klassi Silver. Dist – 2140m. 1. Lee Harvey Bros (F. Micallef) Ħin – 2.41” (1.15.3”) 2. Forrest Beji (M. Abela) 3. Calogero RG (N. Cauchi)
VII Tiġrija. Klassi Silver. Dist – 2140m. 1. Mojo Express (G. Calleja) Ħin – 2.45.2” (1.17.2”) 2. Hermes Du Pressoir (R. Xerri) 3. Flicflac Du Logis (C. Farrugia)
VIII Tiġrija. Grand Finali EquestriMalta. Klassi Silver-Bronze-Copper. Dist – 3160m. 1. Miracle of Heaven (R. Gatt) Ħin – 4.03.9” (1.17.2”) 2. Carbonfiber (J. Gafa’) 3. Fast Loulou (N. Baldacchino) 4. Givre Nonantais (A. Farrugia) 5. Gima Tege (C. Vassallo)
IX Tiġrija. Klassi Gold. Dist – 2140m. 1. Arachis P.R. (D. Casha) Ħin – 2.42.9” (1.16.1”) 2. Lazy Breeze (D. Ciappara) 3. Derby Chevaleraie (S. Vassallo)
X Tiġrija. Klassi Gold. Dist – 2140m. 1. Gentleman De Larre (J. Said) Ħin – 2.40.6” (1.15”) 2. Mellby Drake (S. Fabri) 3. Deep Pockets (R. Xerri)
XI -il Tiġrija. Grand Finali EquestriMalta. Klassi Premier-Gold. Dist – 3160m. 1. Velvet Gio (R. Gatt) Ħin – 4.01.9” (1.16.1”) 2. Iron De Ginai (Ch. Degiorgio) 3. Cruise (P. Galea) 4. Al Capone Stecca (R. Magro) 5. Eclair Des Vaux (C. Calleja)
L-2024 se tibqa’ sena memorabbli għat-Taljan Velvet Gio. Barra l-Gran Finali, aktar qabel dan l-istagun dan iż-żiemel rebaħ ukoll l-Assikura Speed Race final f’medja rekord fuq distanza ta’ mil u l-prestigjuza Tazza tal-President fuq 2140m.
