Max Verstappen irnexxielu jikseb l-ewwel rebħa staġjonali fil-Grand Prix tal-Arabja Sawdija li saret fil-korsa ta’ Jeddah wara li għeleb l-isfida iebsa ta’ Charles Leclerc. Id-dwell bejn dawn iż-żewġ sewwieqa baqa’ għaddej tul it-tellieqa kollha għalkemm fl-aħħar mill-aħħar kien is-sewwieq Belġjan ta’ 24 sena li ħa r-rebħa finali.
L-aħħar ħames dawriet kienu ferm emozzjonanti b’Leclerc li beda jagħti kedda lil Verstappen fejn f’mumenti minnhom deher jgħaddih bi ftit iżda b’dan tal-aħħar li beda jirrispondi bl-aqwa mod possibbli. Kien biss fis-47 dawra li Verstappen ħa r-riedni tat-tiġrija f’idejh sabiex beda bl-aqwa mod dan l-istaġun il-ġdid. Sadanittant Leclerc fuq Ferrari kellu wkoll bandiera safra fl-ewwel parti u din setgħet influwenzat parti mill-andament tat-tiġrija.
Verstappen hu ċ-champion preżenti tal-Formula Wieħed u f’kummenti li ta lill-mezzi tax-xandir internazzjonali fisser kemm kien importanti li jibda l-istaġun bl-aqwa mod possibbli. Hu qal li l-isfida ma’ Leclerc ma kinitx faċli iżda psikoloġikament baqa’ sod sabiex ħa r-rebħa li xtaq.
Sadanittant f’aktar pożizzjonijiet li kellna, l-Ispanjol Carlos Sainz spiċċa fit-tielet post fuq Mercedes filwaqt li l-Messikan Sergio Perez temm fir-raba’ pożizzjoni bl-istess karozza.
George Russell mir-Renju Unit spiċċa fil-ħames post bis-sewwieq Ingliż Lewis Hamilton fuq Alfa Romeo li ma rnexxielux jagħmilha għal mal-ewwel ħamsa peress li spiċċa fl-għaxar post.
Din l-ewwel Grand Prix tal-istaġun bdiet fuq sieq ħażina hekk kif żviluppa nar f’faċilita’ tal-ħażna taż-żejt, ftit ‘il bogħod mit-trakka tal-Formula 1 ta’ Jeddah. Minkejja kollox, dak kollu li kien ippjanat sar u matul il-ġurnata tal-Ħadd ma kien hemm l-ebda inċidenti u kollox seta’ jsir b’mod normali.
