Fl-iktar logħba mistennija mir-raba’ ġurnata tal-Malta Veterans Premier League, iċ-champions Gżira United għelbu lil Floriana bl-iskor ta’ 4-2 sabiex telgħu għal disa’ punti fil-klassifika.
L-ewwel taqsima kienet bilanċjata għalkemm fit-tieni nofs siegħa logħob, il-Maroons ħadu r-riedni tal-logħba f’idejhom u kien hawn li ħadu t-tliet punti finali.
Kurt Magro skorja doppjetta personali sabiex Kevin Sammut u Jonathan Pearson żiedu aktar gowls għall-Maroons.
Gilbert Scerri u William Camenzuli skorjaw għal Floriana.
Referee kien Gordon Barbara.
Sadanittant, MFPA baqgħu jżommu l-ewwel post tal-klassifika wara rebħa ta’ 10-4 kontra Hibernians.
George Frendo kien l-istilla tas-serata hekk kif skorja erba’ gowls filwaqt li Mark Zammit, Jonathan Bondin u Stanimir Miloskovic wettqu doppjetta personali.
Luke Satariano, Glanville Goodlip, Beppe Antignolo u Ilia Nazarov skorjaw il-gowls għall-Pawlisti.
Referee kien Alper Can.
Luxol St Andrew’s baqgħu għaddejjin bil-konsistenza tagħhom wara li għelbu lil Żurrieq Wolves 4-2.
Karl Sacco kien l-istilla għat-tim minn St Andrew’s meta skorja tliet gowls filwaqt li Gary Inguanez sab ukoll ix-xibka.
Giuseppe Muscat u Bjorn Bondin naqqsu l-marġni tal-iskor għal Żurrieq Wolves.
Referee kien Gordon Barbara.
Birkirkara St Helen’s kisbu l-ewwel rebħa tal-istaġun hekk kif għelbu lil Rabat Veterans 5-3.
Christian Caruana kien awtur ta’ hat-trick għal Birkirkara filwaqt li Jean Pierre Mifsud Triganza u Gilbert Camilleri wkoll niżżlu isimhom fil-lista tal-iskorers.
Rabat Ajax kellhom lil Byron Fenech awtur ta’ hat-trick.
Referee kien Alper Can.
KLASSIFIKA – MALTA VETERANS PREMIER LEAGUE
MFPA 10, Luxol St Andrew’s, Gżira United 9, Floriana, Hibernians 6, Żurrieq Wolves 3, Birkirkara St Helen’s 4, Rabat Veterans 0