MFPA u Luxol jinsabu fl-ewwel post b’punti massimi fil-Veterans Malta FA Premier League meta rebħu t-tieni logħba konsekuttiva tagħhom.
Il-Malta Football Players Association għelbu lil Żurrieq Wolves 9-3 f’logħba li ddominaw mill-bidu sal-aħħar.
George Frendo spikka għal MFPA meta skorja tliet gowls filwaqt li Mark Zammit u Jonathan Bondin skorjaw doppjetta kull wieħed. Branko Nisevic u Alexander Ribic niżżlu wkoll isimhom fost l-iskorers.
Għal Żurrieq skorjaw doppjetta Giuseppe Muscat u gowl ieħor ta’ Bjorn Bondin.
Referee kien Paul Apap.
Luxol St Andrew’s għelbu lil Hibernians 7-1.
L-iskorer prolifiku Glenn Bonello kien awtur ta’ tripletta filwaqt li Gary Inguanez skorja doppjetta. Leighton Grech u Dylan Musu issiġġillaw ir-riżultat favur it-tim minn St Andrew’s.
Beppe Antignolo skorja l-uniku gowl għal Hibernians.
Referee kien Onur Arslan.
Floriana għelbu lil Rabat Veterans 3-0.
Il-Greens skorjaw il-gowls tagħhom minn doppjetta ta’ Bojan Kaljevic u gowl ieħor ta’ Ryan Darmanin.
Referee kien Onur Arslan.
Mill-banda l-oħra, anke Gżira United Veterans rebħu bl-iskor identiku ta’ 3-0 kontra Birkirkara St Helen’s.
Referee kien Paul Apap.
KLASSIFIKA – Veterans Malta FA Premier League
MFPA, Luxol 6, Floriana, Gżira, Żurrieq Wolves, Hibernians 3, Birkirkara St Helen’s, Rabat Veterans 0
