Chelsea għandhom bżonn attakkant u l-kowċ Enzo Maresca ta parir lid-diriġenti tiegħu sabiex imorru għall-iskorer prolifiku ta’ Bayer Leverkusen Victor Boniface. Dan tal-aħħar kien determinanti għall-istaġun brillanti li kellhom it-tim Ġermaniż rebbieħ tal-Bundesliga fl-istaġun li għadda.
Il-plejer Niġerjan kien fl-azzjoni fi tmiem din il-ġimgħa bl-iscouts tal-Blues li bdew isegwu kull pass li għamel.
Riċentement anke Tottenham Hotspur urew interess fih iżda xejn ma kien immaterjalizza.
