L-aġent tal-attakkant ta’ Napoli, Victor Osimhen, laqa’ s-suġġerimenti li l-plejer internazzjonali tan-Niġerja jista’ jħalli lill-klabb Taljan fil-futur qrib.
Il-plejer ta’ 23 sena impressjona għall-Azzurri minn meta ngħaqad magħhom mingħand Lille fl-2020, u rrappreżenta lill-klabb f’70 okkażjoni fil-kompetizzjonijiet kollha, fejn irreġsitra 32 gowl u 10 assists fil-proċess.
L-istaġun li għadda, l-attakkant skorja 18-il gowl u rreġistra sitt assists fi 32 dehra, u kien hemm għadd ta’ spekulazzjonijiet dwar il-futur tiegħu matul is-suq tat-trasferimenti tas-sajf.
