Raġel ieħor tpoġġa taħt att ta’ akkuża b’rabta mal-qtil ta’ Christian Pandolfino u Ivor Maciejowski. Il-koppja kienu nqatlu fl-appartament tagħhom fi Triq Locker f’Tas-Sliema f’Awwissu 2020.
Viktor Dragomanski mill-Maċedonja qed jaffaċċja erba’ kapi ta’ akkuża li jinkludu kompliċità fil-qtil, serq aggravat, użu llegali ta’ pjanċi ta’ vettura u li ddispona minn proprjetà misruqa.
Dragomanski, li għandu jidher għalih l-Avukat Franco Debono, qed jiċħad l-akkużi miġjuba kontra tiegħu.
Il-ġimgħa li għaddiet, l-Albaniż Daniel Muka wkoll tpoġġa taħt att ta’ akkuża b’rabta mal-qtil ta’ Pandolfino u Maciejowski.
