Barcelona ilhom jagħmlu arranġamenti biex jiffirmaw is-suċċessur ta’ Robert Lewandowski, li beħsiebhom jagħmlu fis-sena, sentejn, li ġejjin. Wieħed mill-players li qed jiġi kkunsidrat mid-direttur sportiv Deco huwa Viktor Gyokeres, li s’issa dan l-istaġun kien f’forma eċċellenti għal Sporting CP.
Skont rapporti, Sporting huma lesti jaċċettaw inqas mill-€100 miljun li kien il-prezz mitlub mill-club. €70m x’aktarx li jkun dak li hemm bżonn biex isir ftehim fis-sajf li ġej, u għal Barca, dan kważi ċert li jkun inaffordabbli sakemm finalment jirnexxielhom jirritornaw għar-regola ta’ 1:1 ta’ La Liga.
Sadanittant, il-coach ta’ Paris St-Germain, Luis Enrique, mhux ħerqan li l-club Franċiż imur għal Gyokeres, li kien imsemmi ma’ Manchester City u Manchester United.
