Il-kowċ Vincenzo Montella ġie ppreżentat lill-mezzi tax-xandir Torok bħala l-kowċ nazzjonali l-ġdid. Hu se jkun qed jieħu post il-kowċ Ġermaniż Stefan Kuntz li ftit impressjona kemm dam fil-kariga.
Min-naħa l-oħra, Montella għandu esperjenza fit-Turkija minħabba li mexxa lill-klabb lokali ta’ Adana Demirspor u għalhekk għandu idea dwar il-livell li se jsib.
Montella semma’ li għalih din kienet qisha promozzjoni fejn wara li mexxa tim domestiku, issa se jmur għal-livell nazzjonali, xi ħaġa li kull kowċ joħlom li jkollu.
