F’ċerimonja li saret fl-Aspire Academy, f’Education City, fil-Qatar, li fiha ġew ippreżentati l-Best FIFA Football Awards 2024, l-attakkant Brażiljan ta’ Real Madrid ġie ppremjat bħala l-aqwa player ta’ din is-sena kalendarja biex issa ntemm kull dibattitu min seta’ kien aħjar minnu wara li l-Ballon D’Or (organizzat mir-rivista France Football) ġie ppreżentat lill-midfielder Spanjol ta’ Manchester City, Rodri.
L-attakkanta Spanjola ta’ Barcelona, Aitana Bonmati, rebħet il-premju tal-aqwa player femminili.
L-aqwa coach tal-irġiel kien it-Taljan ta’ Real Madrid, Carlo Ancelotti filwaqt li dik tan-nisa kienet l-Ingliża ta’ Chelsea u tat-team nazzjonali tal-Istati Uniti, Emma Hayes.
L-unur tal-aqwa goalkeeper ingħata lill- Aġrentin ta’ Aston Villa, Emiliano Martinez filwaqt li l-Amerikana ta’ Chicago Red Stars, Alyssa Naeher, rebħet dik tan-nisa.
Il-midfielder Spanjol ta’ Manchester United, Alejandro Garnacho, ingħata l-unur għall-isbaħ goal (kontra Everton) filwaqt li l-isbaħ goal tan-nisa ngħata lill-Brażiljana Marta (kontra l-Ġamajka).
Il-Fair Play Award ingħata lil Thiago Maia ta’ Internacional.
It-team tas-sena kien kompost minn Emiliano Martinez (Aston Villa), Ruben Dias (Man City), William Saliba (Arsenal), Dani Carvajal, Antonio Rudiger, Jude Bellingham, Kroos (Real Madrid), Rodri, Erling Haaland (Man City), Lamine Yamal (Barcelona) u Vinicius Jr (Real Madrid).
