Minn Cristian Muscat
Barracudas………………3
Ta’ Xbiex………………..18
(0-5, 1-5, 1-4, 1-4)
Ta’ Xbiex irriżultaw bħala wisq b’saħħithom għal Barracudas meta għelbuhom bl-iskor kbir ta’ 18-3. B’hekk huma kisbu post fis-semi-finali tan-Knock-Out tal-Ewwel Diviżjoni. Għalihom spikkaw ferm il-players Jacob Saliba u Elijah Scembri li skorjaw sitta u erba’ goals rispettivament.
Ta’ Xbiex għamlu l-intenzjonijiet tagħhom ċari mal-ftuħ tal-partita fejn fl-ewwel sessjoni skorjaw ħamsa mingħajr risposta, bil-goals jaslu minn Elijah Schembri (2), Jayden Cassar u Jacob Saliba (2) bl-ewwel goal ghalih jasal minn penalty.
Ta’ Xbiex komplew jiddominaw u rebħu t-tieni sessjoni bil-punteġġ ta’ 5-1, bl-awturi tal-goals ikunu Jacob Saliba (2) bit-tieni goal għalih jasal minn man-up wara li tkeċċa T.J. Mifsud, Elijah Schembri, Jamie Pace Mizzi u Jayden Cassar. Dean Ciantar skorja l-uniku goal għal Barracudas.
It-team immexxi mill-coach Zoran Maslovar ittrijonfa wkoll fit-tielet sessjoni meta ħareġ rebbieħ bl-iskor ta’ 4-1, fejn għalihom irnexxielhom iniżżlu isimhom fuq il-lista tal-iskorers Jacob Saliba, Sam Engerer, Jayden Cassar u Zak Cutajar Licari. Il-goal waħdani għal Barracudas wasal minn Andrew Magri.
Ta’ Xbiex rebħu l-aħħar sessjoni bl-istess skor li bih rebħu t-tielet waħda jiġifieri dak ta’ 4-1, bl-iskorers għalihom ikunu Elijah Schembri, Jacob Saliba, Edward Aquilina u Julian Chircop. Nigel Camenzuli wieġeb għal Barracudas.
Barracudas: 1-Matthew Gouder, 2-Ascanio Piccione, 3-Andrew Magri (1), 4-Paul Micallef, 5-Dean Ciantar (1), 6-Ryan Sciortino, 7-Sean Aquilina, 8-Luke Galea, 9-Dalton Camilleri, 10-Sean Camilleri, 11-Jeremy Bugeja, 12-T. J. Mifsud, 13-Claude Bugeja, 14-Larkin Abela, 15-Nigel Camenzuli (1) Coach: Michael Scerri
Ta’ Xbiex: 1-Ryan Coleiro, 2-C. J. Saliba, 3-Edward Aquilina (1), 4-Jamie Pace Mizzi (1), 5-Edward Meli, 6-Sam Engerer (1), 7-Jacob Saliba (6), 8-Jayden Cassar (3), 9-Elijah Schembri (4), 10-Zak Cutajar Licari (1), 11-Philip Tabone, 12-Julian Chircop (1), 13-Zac Dzanovic, 14-Tom Fenech Coach: Zoran Maslovar
Referees: Carmine Buonpensiero, Ronnie Spiteri
