Minn Cristian Muscat
Marsaxlokk……. 11
Otters…………… 7
(2-1, 2-1, 4-3, 3-2)
F’partita pjaċevoli Marsaxlokk għelbu l-isfida ta’ Otters bl-iskor ta’ 11-7.
Kienet partita kollox ma’ kollox bilanċjata, biż-żgħażagħ ta’ Marsaxlokk iżda juru grinta li finalment għamlet id-differenza kollha.
Għax-Xlukkajri spikka Max Zammit li skorja xejn inqas minn sitt goals. Min-naħa ta’ Otters, l-aqwa skorers kienu Luke Grech Carr u Matthias Bonnici li rreġistraw hat-trick personali.
Marsaxlokk rebħu l-ewwel sessjoni bl-iskor ta’ 2-1 bil-goals jaslu minn Max Zammit u Luigi Mallia. Matthias Bonnici wieġeb għal Otters.
Fit-tieni sessjoni, ix-Xlukkajri reġgħu ttrijonfaw bl-iskor identiku ta’ 2-1 bl-iskorers ikunu Dean Bugeja u Max Zammit. Luigi Dimech irrisponda għall-Għawdxin.
It-team immexxi mill-coach, Nenad Navarin, rebaħ ukoll it-tielet sessjoni din id-darba bil-punteġġ ta’ 4-3, fejn għalihom irnexxielhom iniżżlu isimhom fuq il-lista tal-iskorers Alistair Cook u Max Zammit (3). Luke Grech Carr (2) u Matthias Bonnici irnexxielhom isibu x-xibka għal Otters.
Marsaxlokk għamlu l-en plain meta rebħu wkoll ir-raba’ sessjoni bl-iskor ta’ 3-2, bl-iskorers ikunu Russell Spiteri li jinsab misluf magħhom mingħand Birzebbugia, Dean Bugeja minn back-hand stupend u Max Zammit. Luke Grech Carr minn penalty u Matthais Bonnici sabu x-xibka għal Otters.
Marsaxlokk: 1-Sam Mifsud, 2-Russell Spiteri (1), 3-Cain Cutajar, 4-Ben Zammit, 5-Damien Cordina, 6-Dean Bugeja (2), 7-Max Zammit (6), 8-Luigi Mallia (1), 9-Luke Saliba, 10-Ryan Galea, 11-Julian Valletta, 12-Alistair Cook (1), 13-Miguel Farrugia, 14-Sean Mifsud, 15-Rainer Scerri Coach: Nenad Navarin
Otters: 1-Matthew Xerri, 2-Matthias Bonnici (3), 3-Karl Scicluna, 4-Luke Grech Carr (3), 5-Matthew Farrugia, 6-David Dimech, 7-Isaac Azzopardi, 8-Steve Dimech, 9-Luigi Dimech (1), 10-Simon Apap, 11-Zion Bartolo, 12-Andrew Dimech, 13-Giovanni Gatt Ellis, 14-Kenneth Micallef Coach: Robert Munkacsy
Referees: Giuliana Nicolosi, Richard Magri
