It-team nazzjonali Malti llum se jibda l-impenji tiegħu fil-Kampjonati Ewropej tal-Waterpolo 2024 tal-LEN li bdew ilbieraħ f’Dubrovnik u Zagreb, il- Kroazja, meta se jiffaċċja lill-Ġermanja f’partita minn Grupp C li tibda fis-7.00 pm ħin ta’ Malta.
Il-Maltin għadhom ġejjin mit-Tournament Internazzjonali tal-Milied li sar f’pajjiżna l-ġimgħa l-oħra meta l-avversarji kienu l-Italja, Franza u l-Olanda li kollha jinsabu fil-Kroazja.
Dawn il-logħbiet żgur li servew biex il-coach Milan Cirovic ikun jista’ jippjana aħjar għalkemm l-avversarji tagħna kienu ta’ kalibru għoli.
