Waqt konferenza stampa li saret ilbieraħ fis-sala li tinsab biswit il-Pixxina Nazzjonali f’Tal-Qroqq, ingħataw l-aħħar dettalji rigward il-partiti li se jkunu mpenjati fihom it-tim nazzjonali tal-irġiel u tan-nisa tal-waterpolo fil-jiem li gejjin, validi mill-fażi ta’ kwalifikazzjoni għall-Kampjonati Ewropej rispettivi.
Indirizzaw lil dawk preżenti l-president tal-ASA, Karl Izzo, il-coach tat-team nazzjonali tal-irġiel, Milan Cirovic, u l-coach tat-team nazzjonali tan-nisa, Aurelien Cosuin.
It-team nazzjonali tal-irġiel immexxi minn Milan Cirovic, jibda bl-impenji tiegħu nhar il-Ġimgħa 23 ta’ Ġunju kontra l-Ukrajan fis-7.45pm, l-għada s-Sibt 24 ta’ Ġunju jilgħab kontra l-Ġermanja fl-istess ħin jiġifieri fis-7.45pm, waqt li l-Ħadd 24 ta’ Ġunju itemm l-impenji tiegħu kontra l-Bulgarija fid-9am.
Dan filwaqt li t-team nazzjonali tan-nisa mmexxi minn Aurelien Cousin jibda bl-impenji tiegħu wkoll nhar il-Ġimgħa 23 ta’ Ġunju kontra l-Bulgarija fis-6pm, waqt li jilgħab it-tieni u l-aħħar logħba tiegħu l-għada s-Sibt 24 ta’ Gunju kontra s-Slovakkja wkoll fis-6pm.
Skwadra nazzjonali tal-Irġiel
1-Jake Tanti, 2-Jerome Gabrretta, 3-Liam Galea, 4-Jamie Gambin, 5-Jayden Cutajar, 6-Ben Plumpton, 7-Jake Muscat, 8-Alec Fenech, 9-Jeremy Abela, 10-Nikolai Zammit, 11-Benji Cachia, 12-Nicholas Bugelli, 13-Nicky Grixti, 14-Jake Bonavia, 15-Sam Gialanze Coach: Milan Cirovic
Skwadra nazzjonali tan-Nisa
1-Kelise Agius, 2-Elaya Mintfirt, 3-Elisa Amato, 4-Kendra Navarro, 5-Martha Perici Ferrante, 6-Louise Cachia, 7-Francesca Paolella, 8-Kaia Agius, 9-Denise Micallef, 10-Chloe Amato, 11-Zaira Bartolo, 12-Nadya Azzopardi, 13-Kursty Plumpton, 14-Abby Bonello Coach: Aurelien Cousin
