Minn Cristian Muscat
Marsaskala…………….20
Barracudas………………4
(5-1, 4-0, 8-1, 3-2)
Marsaskala rriżultaw bħala wisq b’saħħithom għal Barracudas meta għelbuhom bl-iskor kbir ta’ 20-4, f’partita li l-Iskalin iddominaw mill-bidu sat-tmiem.
Għalihom spikka David Pace Lupi li rreġistra poker personali, waqt li għal Barracudas l-aqwa skorer kien Andrew Magri li skorja tlieta mill-erba’ goals tagħhom.
L-Iskalin għamlu l-intenzjonijiet tagħhom ċari mal-ftuħ tal-logħba meta rebħu l-ewwel sessjoni bl-iskor kbir ta’ 5-1, bil-goals jaslu minn David Pace Lupi (3), Raoul Greco u Malcolm Manara. Dan filwaqt li l-uniku goal għal Barracudas wasal minn Andrew Magri minn penalty.
Fit-tieni sessjoni Marsaskala skorjaw erba’ goals mingħajr risposta bl-iskorers ikunu Gerald Sammut (2) bit-tieni goal jasal minn man-up wara li tkeċċa Ascanio Piccione u Jean Claude Cutajar (2) bit-tieni goal jasal minn penalty.
It-team immexxi mill-coach Ungeriż Arpad Babay ittrijonfa bil-kbir fit-tielet sessjoni meta ħareġ rebbieħ bl-iskor ta’ 8-1 bl-awturi tal-goals ikunu Mark Carani (3), Malcolm Manara (2), Jake Ciantar (2) u Raoul Greco. Andrew Magri wieġeb għal Barracudas.
Marsaskala naqqsu xi ftit mir-rendiment tagħhom fir-raba’ sessjoni iżda xorta ħarġu rebbieħa bl-iskor ta’ 3-2, permezz ta’ Paul Privitera, David Pace Lupi u Ayrton Camenzuli. Is-solitu Andrew Magri u T.J. Mifsud sabu x-xibka għal Barracudas.
Marsakala: 1-Jurgen Micallef, 2-Jean Claude Cutajar (2), 3-Ayrton Camenzuli (1), 4-Paul Privitera (1), 5-Raoul Greco (2), 6-Gianluca Galea, 7-Kyle Navarro, 8-Malcolm Manara (3), 9-David Pace Lupi (4), 10-Gerald Sammut (2), 11-Jake Ciantar (2), 12-Mark Carani (3), 13-Aidan Muscat, 14-Stefano Fava, 15-Lucas Falzon Coach: Arpad Babay
Barracudas: 1-Matthew Gouder, 2-Ascanio Piccione, 3-Andrew Magri (3), 4-Paul Micallef, 5-Dean Ciantar, 6-Ryan Sciortino, 7-Sean Aquilina, 8-Luke Galea, 9-Dalton Camilleri, 10-Sean Camilleri, 11-Jeremy Bugeja, 12-T. J. Mifsud (1), 13-Claude Bugeja, 14-Nigel Camenzuli Coach: Michael Scerri
Referees: Pasquale Rogondino, Peter Balzan
