Marsaxlokk……………..15
Exiles……………………….14
(4-1, 3-5, 3-7, 5-1)
Marsaxlokk rebħu logħba ferm kumbattuta u bilanċjata kontra Exiles bl-iskor strett ta’ 15-14.
Ix-Xlukkjari għamlu l-intenzjonijiet tagħhom ċari mal-ftuħ tal-partita u rebħu l-ewwel sessjoni bl-iskor ta’ 4-1, bil-goals jaslu minn Julian Valletta, il-captain Sasa Misic, Nikola Moskov u Luigi Mallia. Il-captain Kurt Griscti minn man-up wara li tkeċċa Luigi Mallia skorja l-uniku goal għal Exiles.
Exiles wettqu reazzjoni tajba u rebħu t-tieni sessjoni bl-iskor ta’ 5-3, fejn għalihom irnexxielhom iniżżlu isimhom fuq il-lista tal-iskorers Kurt Griscti (3) bit-tielet goal għalih jasal minn man-up wara li tkeċċa Nikola Koskov, u Guillermo Molina. Nikola Moskov u Sasa Misic (2) wieġbu għax-Xlukkajri.
Exiles rebħu wkoll it-tielet sessjoni din id-darba bl-iskor ta’ 7-4, bl-awturi tal-goals ikunu Valentino Gallo (5), bit-tieni u t-tielet goal għalih jaslu minn penalty, Sean Xerri De Caro u Kurt Griscti minn man-up wara li tkeċċa Julian Valletta. Nikola Moskov u Alistair Cook minn man-up wara li tkeċċa Guillermo Molina skorjaw għal Marsaxlokk.
Marsaxlokk irritornaw għar-rebħ fl-aħħar sessjoni u għamlu dan bl-iskor kbir ta’ 5-1, bl-iskorers ikunu Alistair Cook, Sasa Misic (2) bl-ewwel goal għalih jasal minn man-up wara li tkeċċa għal kollox Valentino Gallo, li nħass ferm minn Exiles għall-kumplament tal-partita u Nikola Moskov (2) minn żewġ penalties. Matteo Martellacci skorja l-goal waħdani għal Exiles.
Marsaxlokk: 1-Miguel Farrugia, 3-Ben Zammit, 4-Max Farrugia, 5-Nikola Moskov (5), 6-Julian Valletta (1), 7-Max Zammit, 8-Massimo Aquilina, 9-Ryan Galea, 10-Sasa Misic (5), 11-Enrique Bonnici, 12-Luigi Mallia (2), 13-Myron Brimmer, 14-Alistair Cook (2), 15-Giancarlo Gatt Coach: Aleksandar Ciric
Exiles: 1-Matthew Castillo, 2-Zak Cutajar Licari, 3-Zachary Micallef, 4-Valentino Gallo (5), 5-Guillermo Molina (2), 6-Sean Xerri De Caro (1), 7-Mark Fenech, 8-Kurt Griscti (5), 9-Niki Paris, 10-Matteo Martellacci (1), 11-Max Aquilina, 12-Niall Saliba, 14-Max Paris Roding, 15-Liam Pursehouse Coach: Simon Vassallo
Referees: Peter Balzan, Alessandro Severo
