Waterpolo: Neptunes se jaffrontaw lil San Ġiljan fil-finali tan-Knock-Out tal-Premier

Minn Cristian Muscat

Birzebbugia……….. 7

Neptunes………… 13

(1-3, 2-3, 3-4, 1-3)

Neptunes xejn ma tħabtu biex għelbu l-isfida ta’ Birzebbugia bl-iskor ta’ 13-7 biex fil-finali se jiffaċċjaw lil San Ġiljan.

Għal Neptunes spikkaw Stevie Camilleri u Michael Spiteri Staines li rreġistraw poker personali.

Nieqes għal Birzebbugia kien il-coach Pierre Borg, biex minfloku assuma r-responsabbiltajiet, Sasko Po­povski.

Neptunes rebħu l-ew­wel sessjoni bl-iskor ta’ 3-1, bl-iskorers għalihom ikunu Alec Fenech, Michael Spiteri Staines u Stevie Camilleri. Keith Tanti skorja l-uniku goal għat-team minn nofsinhar ta’ Malta.

It-team mill-Balluta ttrijonfa wkoll fit-tieni sessjoni din id-darba bil-punteġġ ta’ 3-2, fejn għalihom irnex­xielhom iniżżlu isimhom fuq il-lista tal-iskorers, Stevie Camilleri, Sam Gialanze u Jeremy Abela. Iż-żewġ goals għal Birzebbugia waslu minn Ben Grech permezz ta’ xutt mill-isbaħ mid-distanza li ma ta l-ebda ċans lill-goalkeeper ta’ Neptunes, Alan Borg Cole, u Keith Tanti. 

Neptunes rebħu wkoll it-tielet sessjoni bl-iskor strett ta’ 4-3, bl-awturi tal-goals għalihom ikunu Jake Muscat, Michael Spiteri Staines, Jeremy Abela u Stevie Camilleri. Christian Mifsud, il-veteran David Cutajar u Gabriel Sammut minn penalty wieġbu għal Birzebbugia.

Neptunes għamlu l-en plain meta rebħu l-aħħar sessjoni bl-iskor ta’ 3-1, b’Jake Cachia, Michael Spiteri Staines u Stevie Camilleri jiskorjaw għal Neptunes, waqt li Ben Grech wieġeb għal Birzebbugia.

Birzebbugia: 1-Miguel Vassallo, 2-Julian Farrugia, 3-Neil Cassar, 4-Ben Grech (2), 5-Christian Mifsud (1), 6-Ryan Mock, 8-David Cutajar (1), 9-Simeon Bezzina, 10-Keith Tanti (2), 12-Miguel Curmi, 13-Matthew Sladden, 14-Gabriel Sammut (1), 15-Manuel Giarratana – Coach: Sasko Popovski

Neptunes: 1-Alan Borg Cole, 2-Jake Muscat (1), 3-Sam Gialanze (1), 4-Gabriel Pace, 5-Jake Cachia (1), 6-James Spiteri Staines, 7-Stevie Camilleri (4), 9-Jeremy Abela (2), 10-Michael Spiteri Staines (4), 11-Alec Fenech (1), 12-Mark Castillo, 13-Marco Rossi – Coach: Jovan Popovic

Referees: Arnaldo Petro­nilli, Peter Balzan