Minn Cris Muscat
Otters……………. 13
Barracudas……… 5
(2-1, 4-2, 3-1, 4-1)
Otters ftit li xejn tħabtu biex għelbu l-isfida ta’ Barracudas bl-iskor ta’ 13-5 biex irreġistraw l-ewwel rebħa tal-istaġun filwaqt li Barracudas għadhom mingħajr rebħa.
Peró fl-ewwel sessjoni, dawn tal-aħħar kienu sfida denja u kellhom il-mumenti tagħhom minkejja li ħarġu telliefa bl-iskor stress ta’ 2-1.
L-uniku goal tagħhom wasal minn Jeremy Bugeja filwaqt li ż-żewġ goals tal-Għawdxin ġew skorjati minn Luigi Dimech u Luke Grech Carr.
Madankollu fit-tieni sessjoni, Otters ħadu r-riedni f’idejhom biex ittrijonfaw bl-iskor ta’ 4-2 u b’hekk daħlu jistrieħu fil-vantaġġ ta’ 6-3.
L-iskorers kienu Matthew Farrugia, Luke Grech Carr, Karl Scicluna u Simon Apap. Dean Bugeja u Ascanio Piccione wieġbu għal Barracudas.
Otters rebħu wkoll it-tielet sessjoni din id-darba bil-punteġġ ta’ 3-1 bl-awturi tal-goals ikunu Andrew Magri, Luke Grech Carr u Matthew Farrugia filwaqt li Jeremy Bugeja skorja l-uniku goal għal Barracudas.
L-Għawdxin għamlu l-en plain meta rebħu wkoll l-aħħar sessjoni bl-iskor ta’ 4-1 b’ Zion Bartolo (2), Luke Grech Carr u Matthias Bonnici isibu x-xibka għalihom, waqt li T.J. Mifsud skorja għal Barracudas.
Otters: 1-Matthew Xerri, 2-Matthias Bonnici (1), 3-Karl Scicluna (1), 4-Luke Grech Carr (3), 5-Matthew Farrugia (2), 6-David Dimech, 7-Isaac Azzopardi, 8-Steve Dimech (2), 9-Luigi Dimech (1), 10-Simon Apap (1), 11-Zion Bartolo (2), 12-Andrew Dimech, 13-Giovanni Gatt Ellis – Coach: Robert Munkacsy
Barracudas: 1-Matthew Gouder, 2-Ascanio Piccione (1), 3-Andrew Magri (1), 4-Paul Micallef, 5-Dean Ciantar (1), 6-Ryan Sciortino, 7-Sean Aquilina, 8-Luke Galea, 9-Dalton Camilleri, 10-Sean Camilleri, 11-Jeremy Bugeja (1), 12-T. J. Mifsud (1), 13-Claude Bugeja, 14-Nigel Camenzuli – Coach: Michael Scerri
Referees: Andrea Baretta u Richard Magri
