Minn Crsitian Muscat
Neptunes…………..15
Exiles…………………..6
(3-0, 4-1, 2-2, 6-3)
Neptunes ftit li xejn tħabtu biex għelbu l-isfida ta’ Exiles bl-iskor kbir ta’ 15-6, f’partita li ħlief għat-tielet sessjoni, fejn sfaw miżmuma fi draw ta’ 2-2, iddominaw għall-ħinijiet twal. Għalihom spikka ferm il-captain Stevie Camilleri li skorja xejn inqas minn seba’ goals. Min-naħa l-oħra, l-aqwa skorer għal Exiles kien is-solitu Max Aquilina li rreġistra hat-trick personali fl-aħħar sessjoni.
Neptunes għamlu l-intenzjonijiet tagħham ċari mal-ftuħ tal-partita u rebħu l-ewwel sessjoni bl-iskor ta’ 3-0, bil-goals jaslu t-tlieta minn Stevie Camilleri, bit-tieni goal għalih jasal minn penalty.
Fit-tieni sessjoni, Neptunes, ħarġu rebbieħa għal darb’oħra b’vantaġġ ta’ tliet goal iżda din id-darba bl-iskor ta’ 4-1, bl-awturi tal-goals għalihom ikunu Sam Gialanze, Stevie Camilleri, Jake Muscat u Gabriel Pace minn man-up wara li tkeċċa Jake Bajada. Dan sabiex l-uniku goal għal Exiles wasal mill-istess Jake Bajada.
Fit-tielet sessjoni, Exiles wettqu reazzjoni tajba u rnexxielhom iżommu lil Neptunes fi draw ta’ 2-2, bil-goals jaslu minn Sean Xerri De Caro u l-captain Kurt Griscti minn man-up wara li tkeċċa Michael Spiteri Staines. Jake Muscat u Gabriel Pace rrispondew għal Neptunes.
Ir-raba’ sessjoni pproduċiet xejn inqas minn disa’ goals, b’Neptunes joħorġu rebbieħa bl-iskor ta’ 6-3, fejn għalihom irnexxielhom iniżżlu isimhom fuq il-lista tal-iskorers, Stevie Camilleri minn man-up wara li tkeċċa l-veteran Timmy Sullivan, Jake Muscat ukoll minn sitwazzjoni ta’ ragel iktar wara li din id-darba tkeċċa David Fenech, Jeremy Abela ukoll minn man-up wara li tkeċċa Matteo Martellacci, Stevie Camilleri (2) bl-ewwel goal għalih jasal minn penalty u Jake Muscat. Max Aquilina rreġistra hat-trick personali għal Exiles, bit-tielet goal għalih jasal minn man-up wara li tkeċċa James Spiteri Staines.
Neptunes: 1-Alan Borg Cole, 2-Jake Muscat (4), 3-Sam Gialanze (1), 4-Gabriel Pace (2), 5-Jake Cachia, 6-James Spiteri Staines, 7-Stevie Camilleri (7), 8-Jordan Camilleri, 9-Jeremy Abela (1), 10-Michael Spiteri Staines, 11-Alec Fenech, 12-Mark Castillo Coach: Jovan Popovic
Exiles: 1-Matthew Castillo, 2-Niall Saliba, 3-Luke Gialanze, 4-Philip Paris, 6-Sean Xerri De Caro (1), 7-Mark Fenech, 8-Kurt Griscti (1), 9-Niki Paris, 10-Jake Bajada (1), 11-Max Aquilina (3), 12-David Fenech, 13-Gianluca Borg, 14-Matteo Martellacci, 15-Liam Pursehouse Coach: Aurelien Cousin
Referees: Giuliana Nicolosi, Ronnie Spiteri
