San Ġiljan jinsabu pass ‘il bogħod mir-rebħ tal-Kampjonat Premier, meta fl-ewwel play-off tal-finali, għelbu lill-ġirien u rivali, Neptunes, bl-iskor ta’ 12-10.
Il-Ġiljaniżi għamlu l-intenzjonijiet tagħhom ċari mal-ftuħ tal-partita u rebħu l-ewwel sessjoni bl-iskor ta’ 4-2, bil-goals jaslu minn Aaron Younger (3) bl-ewwel u t-tielet goal għalih jaslu minn man-up, l-ewwel wara li tkeċċa Jordan Camilleri u mbagħad meta tkeċċa Jake Muscat u Nikolai Zammit. Dan sabiex Filip Filipovic minn penalty u l-captain Stevie Camilleri minn man-up wara li tkeċċa Nicholas Bugelli wieġbu għal Neptunes.
Neptunes wettqu reazzjoni tajba u rebħu t-tieni sessjoni bl-iskor ta’ 4-3, bl-iskorers ikunu Aleksanadr Ivovic (2) u Stevie Camilleri (2) minn żewġ man-ups, l-ewwel wara li tkeċċa Ben Plumpton u mbagħad meta tkeċċa l-captain Matthew Zammit. Dan sabiex il-goals għall-Ġiljaniżi waslu minn Matthew Zammit, Andreas Galea minn man-up wara li tkeċċa Jordan Camilleri u Aaron Younger ukoll minn man-up wara li din id-darba tkeċċa Jake Bajada.
Neptunes rebħu wkoll it-tielet sessjoni din id-darba bl-iskor ta’ 2-1, biż-żewg goals jaslu minn Sam Gialanze minn man-up wara li tkeċċa Andreas Galea u Jake Muscat ukoll minn man-up wara li din id-darba tkeċċa Ben Plumpton. Matthew Zammit minn man-up wara li tkeċċa Jake Muscat skorja l-uniku goal għas-Saints.
Kollox kellu jiġi deċiż fl-aħħar sessjoni, bil-Ġiljaniżi joħorġu rebbieħa bl-iskor ta’ 4-2, fejn għalihom irnexxielhom iniżżlu isimhom fuq il-lista tal-iskorers, Aaron Younger minn man-up wara li tkeċċa Jake Bajada, Darren Zammit, Matthew Zammit u Maro Jokovic minn man-up wara li tkeċċa Stevie Camilleri. Iż-żewġ goals għal Neptunes waslu minn Filip Filipovic u Jake Muscat minn man-up wara li tkeċċa Nikolai Zammit.
Neptunes: 1-Alan Borg Cole, 2-Jake Muscat (2), 3-Sam Gialanze (1), 4-Gabriel Pace, 5-Mark Castillo, 6-Jake Bajada, 7-Stevie Camilleri (3), 8-Jordan Camilleri, 9-Aleksandar Ivovic (2),10- Filip Filipovic (2), 11-Alec Fenech, 12-Enrico Mallia, 13-Matthew Rossi, 14-David Bugeja, 15-Andreas Fava Coach: Dorian Pisani
San Ġiljan: 1-Jake Tanti, 2-Nicholas Bugelli, 3-Andreas Galea (1), 4-Ben Plumpton, 5-Maro Jokovic (1), 6-Matthew Zammit (3), 7-Jake Bonavia, 8-Aaron Younger (5), 9-Jeremy Abela, 10-Nikolai Zammit (1), 11-Darren Zammit (1), 12-Russell Caruana, 13-Gianluca Borg, 14-Gabriel Bonavia, 15-Nathan Bonavia Coach: Zeljko Kovacic
Referees: Fabio Brasiliano, Massimo Calabro
