Minn Cristian Muscat
Sliema…………….19
Exiles………………..5
(5-1, 2-2, 5-1, 7-1)
Sliema nsew it-telfa kontra San Ġiljan biex għelbu lil Exiles bl-iskor kbir ta’ 19-5, f’logħba li ħlief għat-tieni sessjoni, fejn sfaw miżmuma fi draw ta’ 2-2, iddominaw għall-ħinijiet twal. Għalihom spikkaw Dino Zammit u Matthew Mifsud li skorjaw sitt goals u ħames goals rispettivament.
Is-Slimiżi għamlu l-intenzjonijiet tagħhom ċari mal-ftuħ tal-logħba meta rebħu l-ewwel sessjoni bl-iskor ta’ 5-1, bil-goals jaslu minn John Brownwrigg minn man-up wara li tkeċċa Mark Fenech, Dino Zammit (2) bl-ewwel goal għalih jasal minn penalty u Matthew Mifsud (2). Dawn il-goals waslu wara li Max Aquilina li fetaħ l-iskor għal Exiles.
Iżda Exiles wettqu rezzjoni tajba u fit-tieni sessjoni żammew lil Sliema fi draw ta’ 2-2, bl-iskorers ikunu Mark Fenech minn penalty u Niki Paris minn man-up wara li tkeċċa Matthw Mifsud. Jamie Gambin u l-captain Mark Meli minn man-up wara li tkeċċa David Fenech wieġbu għas-Slimiżi.
Iżda fit-tielet sessjoni, Sliema rritornaw għar-rebħ fejn għamlu dan bl-istess skor li bih ittrijonfaw fl-ewwel sessjoni jiġifieri dak ta’ 5-1, bl-awturi tal-goals ikunu Dino Zammit (3) bit-tielet goal għalih jasal minn penalty, Liam Galea u Zach Mizzi. David Fenech skorja l-uniku goal għal Exiles.
Fir-raba’ sessjoni, Exiles ikkrollaw għal kollox fejn sfaw megħluba bl-iskor kbir ta’ 7-1, fejn għal Sliema skorjaw Zach Mizzi minn man-up wara li tkeċċa Mark Fenech, Dino Zammit, John Brwiwnigg minn sitwazzjoni ta’ raġel iktar wara li tkeċċa Kurt Griscti, Matthew Mifsud (3) u Mark Meli. Il-goal waħdani għal Exiles wasal minn Matteo Martellacci minn man-up wara li tkeċċa Daniel Rizzo.
Sliema: 1-Nicky Grixti, 2-Jerome Gabarretta, 3-Liam Galea (1), 4-Daniel Rizzo, 5-Mark Meli (2), 6-Benji Cachia, 7-Kieyan Borg, 8-Matthew Mifsud (5), 9-John Brownrigg (2), 10-Jamie Gambin (1), 11-Zach Mizzi (2), 12-Dino Zammit (6), 13-André Theuma Coach: Beto Fernandez
Exiles: 1-Matthew Castillo, 2-Niall Saliba, 3-Luke Gialanze, 4-Philip Paris, 6-Sean Xerri De Caro, 7-Mark Fenech (1), 8-Kurt Griscti, 9-Niki Paris (1), 10-Jake Bajada, 11-Max Aquilina (1), 12-David Fenech (1), 13-Gianluca Borg, 14-Matteo Martellacci (1), 15-Liam Pursehouse Coach: Aurelien Cousin
Referees: Fabio Brasiliano, Alex DeRaffaele
