Minn Cristian Muscat
Ta’ Xbiex……………15
Barracudas…………..4
(4-2, 5-0, 3-1, 3-1)
Ta’ Xbiex ftit li xejn tħabtu biex għelbu l-isfida ta’ Barracudas bl-iskor kbir ta’ 15-4.
Barracudas irnexxielhom iżommu l-pass mal-avversarji tagħhom sa tmiem l-ewwel sessjoni iżda mbagħad mit-tieni sessjoni Ta’ Xbiex ħadu r-riedni tal-logħba kompletament f’idejhom. Għalihom spikka Jayden Cassar li rreġistra poker personali, waqt li kellhom logħba tajba għalihom ukoll Edward Meli u Elijah Schembri li skorjaw tliet goals kull wieħed.
Ta’ Xbiex għamlu l-intenzjonijiet tagħhom ċari mal-ftuħ tal-partita u rebħu l-ewwel sessjoni bl-iskor ta’ 4-2 bil-goals jaslu mill-veteran Edward Aquilina (2), Edward Meli u Jayden Cassar. Ascanio Piccione u Andrew Magri wieġbu għal Barracudas.
Ta’ Xbiex komplew jiddominaw u fit-tieni sessjoni skorjaw ħames goals mingħajr risposta, bl-iskorers għalihom ikunu Elijah Schembri (2), Jayden Cassar, Jamie Pace Mizzi u Julian Chircop.
It-team immexxi mill-coach Zoran Maslovar ittrijonfa wkoll fit-tielet sessjoni bl-iskor ta’ 3-1, bl-awturi tal-goals ikunu Edward Meli (2) u Jayden Cassar. Andrew Magri skorja l-uniku goal għal Barracudas.
Ta’ Xbiex għamlu l-en plain meta rebħu r-raba’ sessjoni bl-iskor ta’ 3-1, fejn għalihom irnexxielhom iniżżlu isimhom fuq il-lista tal-iskorers Elijah Schembri, Jayden Cassar u Basti Attard Littschaw. Il-goal waħdani għal Barracudas wasal minn Dean Ciantar.
Ta’ Xbiex: 1-Ryan Coleiro, 2-C. J. Saliba, 3-Edward Aquilina (2), 4-Jamie Pace Mizzi (1), 5-Edward Meli (3), 6-Sam Engerer, 7-Jacob Saliba, 8-Jayden Cassar (4), 9-Elijah Schembri (3), 10-Basti Attard Littschaw (1), 11-Philip Tabone, 12-Julian Chircop (1), 13-Zac Dzanovic, 14-Zak Cutajar Licari, 15-Tom Fenech Coach: Zoran Maslovar
Barracudas: 1-Matthew Gouder, 2-Ascanio Piccione (1), 3-Andrew Magri (2), 4-Paul Micallef, 5-Dean Ciantar (1), 6-Ryan Sciortino, 7-Sean Aquilina, 8-Luke Galea, 9-Dalton Camilleri, 10-Sean Camilleri, 11-Jeremy Bugeja, 12-T. J. Mifsud, 13-Claude Bugeja, 14-Larkin Abela Coach: Michael Scerri
Referees: Massimiliano Sponza, Ronnie Spiteri
