Minn Cristian Muscat
Valletta…………. 11
Barracudas……….6
(3-2, 3-2, 2-1, 3-1)
Valletta kkonvinċew bis-sħiħ u għelbu l-isfida ta’ Barracudas bl-iskor kbir ta’ 11-6.
Madankollu, għalkemm il-Beltin ħarġu rebbieħa, Barracaudas ipproduċew wirja qalbiena u żammew il-pass mal-avversarji tagħhom għal diversi ħinijiet matul il-partita.
Għat-team mill-kapitali spikkaw Sebi Busuttil, Michele Mifsud u Jan Culic li rreġistraw doppjetta kull wieħed. Dan filwaqt li għal Barracudas, l-aqwa skorer kien Aleandro Mifsud li wkoll skorja żewġ goals.
Valletta għamlu l-intenzjonijiet tagħhom ċari mal-ftuħ tal-partita u rebħu l-ewwel sessjoni bl-iskor ta’ 3-2, bil-goals għalihom jaslu minn Sebi Busuttil, Michele Mifsud u Luke Hyzler. Sean Aquilina u Aleandro Mifsud wieġbu għal Barracudas.
Il-Beltin rebħu t-tieni sessjoni bl-istess skor li bih ittrijonfaw fl-ewwel waħda jiġifieri dak ta’ 3-2, bl-iskorers għalihom ikunu Michele Mifsud, Stephen Micallef u Kyle Cremona. Dan sabiex il-goals għal Barracudas waslu minn Dalton Camilleri u Andrew Magri.
Il-Beltin ittrijonfaw ukoll fit-tielet sessjoni din id-darba bl-iskor ta’ 2-1, bl-awturi tal-goals għalihom ikunu Keith Galea u Sebi Busuttil. Aleandro Mifsud skorja l-uniku goal għal Barracudas.
Valletta għamluhom erbgħa minn erbgħa meta rebħu r-raba’ u l-aħħar sessjoni bil-punteġġ ta’ 3-1, b’Jan Culic jirreġistra doppjetta personali, bil-goal l-ieħor għall-Beltin jasal minn Andrea Agius.
Min-naħa l-oħra Dean Ciantar minn penalty wieġeb għal Barracudas.
Valletta: 1-Benji Busuttil, 2-Nicholas Farrugia, 3-Matthew Pace, 4-Luke Hyzler (1), 5-Sebi Busuttil (2), 6-Zachary Micallef, 7-Daniel Paolellla, 8-Michele Mifsud (2), 9-Stephen Micallef (1), 10-Andrea Agius (1), 11-Keith Galea (1), 12-Kyle Cremona (1), 13-Andrea Bugeja, 14-Jan Culic (2), 15-Luca Felice – Coach: Joe Cremona
Barracudas: 1-Matthew Gouder, 2-Ascanio Piccione, 3-Andrew Magri (1), 4-Paul Micallef, 5-Dean Ciantar (1), 6-Ryan Sciortino, 7-Sean Aquilina (1), 8-Luke Galea, 9-Dalton Camilleri (1), 10-Sean Camilleri, 11-Aleandro Mifsud (2), 12-T. J. Mifsud, 13-Claude Bugeja, 14-Larkin Abela – Coach: Michael Scerri
Referees: Alessio Nicholai, Peter Balzan
