Wayne Rooney laħaq ftehim biex jirritorna mat-team tal-Major League Soccer, DC United, bħala l-coach il-ġdid tal-club.
L-iskorer rekord tal-Ingilterra, Rooney, 36 sena, warrab minn manager ta’ Derby County ix-xahar li għadda wara li ggwida lir-Rams f’perjodu mqalleb fl-istorja tagħhom.
L-ewwel xogħol tiegħu fit-tmexxija tat-team ra l-club jgħaddi minn likwidazzjoni u relegazzjoni għal League One.
Rooney qatta’ 18-il xahar ma’ DC United f’Washington qabel ingħaqad ma’ Derby bħala player-coach f’Jannar 2020.
