Omar Farrugia rringrazzja lill-elettorat kollu li fl-età ta’ 27 sena fdah biex jirrapreżentahom fil-parlament f’din l-ewwel elezzjoni ġenerali tiegħu.
Farrugia qal li jħares ’il quddiem biex flimkien ma’ sħabu l-membri parlamentari l-oħra taħt it-tmexxija tal-Prim Ministru Robert Abela jkomplu jwettqu ħafna aktar ġid b’risq il-familji Maltin u Għawdxin.
“Wegħedt biss li se nkun tan-nies u għan-nies u issa li l-poplu silifni l-fiduċja hekk se nkun qiegħed nagħmel f’dawn il-ħames snin li ġejjin”, iddikjara Farrugia.
