Iċ-ċansijiet li Weston McKennie jibqa’ ma’ Juventus anke fl-istaġun li ġej qed jonqsu sew. Skont sit elettroniku li jispeċjalizza fis-suq tat-trasferimenti, diversi klabbs mill-MLS diġà għamlu kuntatt mal-plejer Amerikan, li jidher dejjem aktar ‘il bogħod minn ftehim ta’ tiġdid.
Il-kuntratt tiegħu mal-Bianconeri jiskadi fit-30 ta’ Ġunju li ġej, u s-sitwazzjoni turi li hu diffiċli ħafna li jintlaħaq kompromess. Għalhekk, il-futur ta’ McKennie jidher li probabbilment se jkun barra mill-Italja.